Tus Tswv Qhia nyob Labuan Bajo raug xaiv ua tus txhawb nqa kev ua kwv ua tij ntawm cov kev teev hawm nrog cov Mawv Xis Lim.
Hauv kev teeb tsa tus Tswv Qhia nyob Labuan Bajo, tus thawj tswj Maximus Regas tau mus ntsib tus tuav ntaub ntawv ntawm Nahdlatul Ulama (PCNU), uas yog ib feem ntawm West Manggarai nyob Labuan Bajo hnub tim 14 dhau los no.
Kev mus tsham zaum no yog hais txog kev sib koom tes ntawm cov kev teev hawm uas txhab tuaj ntxiv nyob hauv cov Kav Tos Liv thiab cov Mawv Xis Lim.
Nahdlatul Ulama yog ib lub Koom Haum Islam uas loj tshaj nyob Is Ntos Nes Xias teb. Nws teeb tsa nyob hauv xyoo 1926 thiab yog qhov sawv daws paub nyob hauv kev txhawb nqa cov Islam. Lub Koom Haum no hais txog kev ua tiag uv, kev sib koom tes ntawm zej zog thiab kev sib koom tes hauv cov kev teev hawm. Ua kom lub Koom Haum no yog qhov tseem ceeb hauv kev txhawb nqa kev sib haum xeeb ntawm cov kev teev hwm nyob hauv lub teb chaws.
Kev mus tsham zaum no, muaj cov tim xyoob hauv kev tsa Tswv Qhia mus ua ke. Hais tau tias yog kev sib hwm ua kwv ua tij thiab yog thawj kauj ruam hauv kev txhawb nqa ntawm cov kev teev hawm nyob West Manggarai.
Ustad tus xib hwb ntawm Islam Radit hais lus nyob hauv kev teev Ntuj qhib cov kab ke tias : kev teev Ntuj ua ke zaum no yog lub sij hawm zoo heev. Nws txhib tias yog ib feem ntawm Tswv Ntuj lub hom phiaj. Nws tsis yog hmoov zoo es lam sib ntsib xwb.
Tswv Qhia Maksimus thiab cov neeg nrog nws lawv tau txais kev tos txais yam sov siab los ntawm Haji Ishak Jabi uas yog tus thawj coj PCNU West Manggarai, nrog rau cov neeg ntseeg Islam ntau pua leej uas tuaj sib sau hauv lub tshav puam PCNU.
