Hauv Vaj Qhia cov lus kawg uas hais rau cov neeg tuaj tawm rooj fiv Ntuj nyob hauv lub tuam tsev teev Ntuj hwm Leej Ntshiab Pob Zeb, kom tau mloog zaj thov Ntuj Angelus hauv hnub tim 9 lub 8 hli. Vaj Qhia xav txog zaj nyob hauv ntawv Moo Zoo hais txog Yes Xus mus taw saum nplaim dej thiab pab Pob Zeb kom txhob tog hauv dej. Vaj Qhia tau hais txog Yes Xus cov lus uasnws hais rau cov Thwj Tim thaum lawv ntshai tias :
“Nej tso siab mas ! Nov yog kuv, txhob ntshai.” Vaj Qhia hais tias zaj no ua kom pom tias : “Tswv Ntuj kev nyob hloov pauv tau txhua yam, tab txawm yog lub caij muaj kev ntshai thiab muaj qhov tsis meej tseeb kuj xij.” Thaum chiv thawj Pob Zeb muaj peev xwm thiab nws nqes nkoj, nws tso ko taw tsuj saum nplaim dej mus cuag Yes Xus. Tab sis nws pom cua hlob, nws ntshai, ces nws pib tog hauv dej. Yes Xus cev tes tam sim ntawd mus tuav Pob Zeb cia. Tej yam zoo li ntawd, ua rau cov Thwj Tim ntseeg tias : “Yes Xus yog Tswv Ntuj Leej Tub.” Vaj Qhia Leo 14 hais tias : “Qhov no yog qhia kom cov neeg ntseeg ntsia ntsoov Yes Xus. Tshwj xeeb tshaj yog thaum ntsib kev txom nyem.” Vaj Qhia txhib kom sawv daws txhob khav theeb thaum txhua yam tseem mus tau zoo, los yog txhob qaug zog rau lawv txoj kev muab siab rau, kev piam sij thiab tej teeb meem uas xav tias yuav txais tsis tau, tsis hais lub caij twg kuj xij. Vaj Qhia hais tias : “Yes Xus tsis tso peb pov tseg.” Vaj Qhia txhawb kom cov neeg ntseeg txais Yes Xus tuaj nyob hauv lawv lub neej los ntawm kev thov Ntuj, cov Cim Ntshiab thiab lub dag zog hauv lawv txoj kev tawm rooj. Vaj Qhia xaus cov lus thiab muab cov neeg ntseeg tso rau hauv Niam Mab Liab xub ntiag. Thov kom Niam Mab Liab pab lawv ua lub neej muaj kev cia siab, kev ntseeg thiab kev tso siab. Vaj Qhia tsab ntawv hauv kev tsis sib haum xeeb, kev txom
nyem hauv kev lag luam thiab kev tsis ruaj khov hauv cov zej zog nyob ntiaj teb. Qhia cov neeg ntseeg tias kev cia siab tsis yog nyob ntawm qhov tsis muaj khaub lig cua, tab sis yog nyob ntawm kev ntseeg txog Yes Xus tus uas nyob hauv cov khaub lig cua ntawd.
