Vaj Qhia Leo mloog cov neeg thoj nam nyob Paris tej lus tim khawv. “Tswv Ntuj qhib txoj kev tshiab rau kuv.”
Lawv muaj lub hom phiaj uas yog fab kev kawm ntawv thiab kev nqis tes ua, nrog rau kev xaws khaub ncaws, kev ua zaub mov noj, kev kos duab thiab kev txawj ntse fab hlwb hlau (Computer).
Thaum tab tom ncig tsham, mas Vaj Qhia Leo 14 mloog cov lus tim khawv ntawm Blessing uas nws yog ib tug poj niam Nis Zes Lias hnub nyoog 31 xyoos. Nws piav txog kev yeej tej kev txom nyem los ntawm lub Koom Haum Kav Tos Liv kev pab cuam. Nws hais txog kev ntseeg Tswv Ntuj thiab nws txoj kev ntseeg tias : “Tswv Ntuj qhib txoj kev tshiab rau nws.” Vaj Qhia Leo 14 kuj tau mloog Meysam uas nws yog ib tug neeg As Kas Nis Taas hnub nyoog 35 xyoos tej lus tim khawv. Nws tau kawm lus Fab Kis thiab kawm xaws khaub ncaws nyob hauv lub tsev Bakhita. Zim txwv no nws ua tub koom tes pab cov neeg thoj nam thiab cov tsis muaj ntaub ntawv. Vaj Qhia qhuas txog cov neeg ua hauj lwm pab cov neeg thoj nam thiab txhawb nqa lawv. Txhawb nqa lub meej mom hauv kev ua neeg hauv kev tos txais, kev qhuab qhia thiab kev sib tham. Vaj Qhia tseem hais txog poj niam cov hauj lwm uas tau txais lub zog txhawb siab los ntawm Leej Ntshiab Bakhita, hauv kev txhim kho pej xeem los ntawm kev sib koom siab thiab kev muab siab rau saib xyuas.
