Vaj Qhia Leo14 thov kom tso tseg kev sib ntaus rog nyob West Bank, thiab thov kom muaj kev thaj yeeb nyob hauv 2 lub xeev.

Tom qab lub thaj txi Ntuj Angelus xaus hauv hnub tim 16 lub 8 hli no. Vaj Qhia txhawj xeeb hais txog tej kev phem zaum tag zaum thiab ntawm cov pej xeem Pas Les Tis Nas nyob West Bank. Nws kuj thov kom tas ntiaj teb sib koom tes, kom nrhiav kev tawm nyob hauv ob lub xeev uas yog kev thaj yeeb ncaj ncees thiab yav tom ntej.

Cov lus thov no tshwm sim nyob hauv kev phem thiab kev tsis ruaj khov uas tab tom muaj nyob hauv West Bank nrog rau cov tub rog txoj kev tua rog. Vas Tis Kas txhawb nqa kev daws teeb meem ntawm o blub xeev los ntev lawm, uas yog cov His Xas Lais thiab cov Pas Les Tis Nas yuav nyob ua ke yam thaj yeeb thiab nyab xeeb hauv txoj cai uas ntiaj teb txiav. Vaj Qhia Leo 14 rov hais txog qhov qhib kev sib tw ncaws pob Mes Tis Des Las Nes hauv lub nroog Tharanto, nyob Is Tas Lias teb. Uas muaj 4 tug tub ncaws pob hauv Vas Tis Kas lub Koom Haum ncaws pob (Athleta Vatican) koom nrog kev sib tw. Nws cia siab tias kev sib tw zaum no yuav ua lub Cim kev thaj yeeb thiab kev ua kwv ua tij. Hauv tsoom pej xeem nyob Mes Dis Tes Las Nes thiab lwm qhov chaw. Vaj Qhia cov lus kawg tseem thov kom muaj kev thaj yeeb, kev sib hais haum thiab kev txuag tsoom pej xeem hauv kev sib ntaus sib tua uas tab tom muaj nyob hauv daim av Ntshiab.