Vaj Qhia pab cov neeg txom nyem nyob Nkas Ntxas thiab hwm txhua tus txoj kev ncaj ncees
Hnub tim 26 lub 5 hlias tas los, yog lub sij hawm Vaj Qhia tawm rooj mus so nyob hauv Castel Gandalf, mas Vaj Qhia Les Os 14 hais lus thov kom rov muaj kev pab hauv tib neeg kev ncaj ncees thiab pab txuag cov neeg nyob Nkas Ntxas. Nws thov kom txhua lub teb chaws pab cov pej xeem uas pluag txom nyem.
Vaj Qhia thov kom muaj kev txhawb nqa kev txhim kho thiab zeem tseeb tias kev pab cuam yuav mus txog tsoom pej xeem nyob Nkas Ntxas. Qhov no yog Vaj Qhia hais txog lub nkoj xa toob xib Global Sumud Flotilla uas tab tom khiav mus rau Nkas Ntxas. Nws hais tias tib neeg txoj kev ncaj ncees yog qhov tsim nyog hwm. Yog hwm txhua tus kom sib luag. Vaj Qhia hais tias kev ua phem, tsuas muaj ua kom sib ntxub ntxiv xwb. Nws thov kom muaj kev sib hais haum thiab rov daws cov teeb meem sib tawg nyob hauv kev thaj yeeb.
Vaj Qhia tseem ntxhov siab txog kev siv AI lub tswv yim tsim tawm hauv tsov rog uas txhab ntxiv zuj zus. Nws hais tias kev tsis sib haum xeeb kheev kheev tshwm sim yam tsis xav txog tib neeg txoj sia. Vaj Qhia thiaj thov kom muaj kev txhim kho yam uas nws hu ua “Lub tswv yim tsim tawm tsis muaj riam phom.” Yog hais txog lub meej mom hauv kev ua neeg. Vaj Qhia hais txog qhov tseem ceeb hauv kev sib koom tes txhim kho lub tswv yim tsim tawm kom muaj kev ncaj ncees tias Vas Tis Kas tab tom nrog lub Koom Haum tswv yim tsim tawm Anthropic sib tham txog kev txhim kho tib neeg.
