Vas Tis Kas cov kav xwm fab kev xa xov hais tias : cov hauj lwm nyob Online yuav tsum muaj kev nyob sib ze.
Hauv Govekar cov lus nrog Radio Veritas Asia sib tham, mas nws hais tias : “Kev tshwm sim ntawm lub Koom Txoos hauv Online, phim yuav coj ib tsoom neeg kom tau sib tham tiag tiag thiab tsim kom muaj neeg coob. Tab txawm Social Media yuav ua rau kev nyob twm zeej, kev quav yeeb quav tshuaj thiab muaj kev tsis sib haum xeeb kuj xij.” Govekar tau koom kev sau siab ntawm cov tub tshaj Ntuj Lus Online nyob As Xias teb thawj zaug, hauv lub nroog Quezon City, teb chaws Fis Lis Pees. Nws tau ua tus hais lus hauv lub ntsiab lus hais txog lub Koom Txoos yav tom ntej hauv kev xa xov nyob Online thiab. Govekar hais tias : “Lub Koom Txoos yuav tsum xav txog qhov txaus ntshai nyob hauv Online. Nws hais txog tsab ntawv rov xav txog hauv kev qhia kev ntseeg xyoo 2023 uas hais txog “Towards Full Presence”. Nws xav txog tej kev txhawj xeeb txhab ntxiv nyob hauv Algorithms, uas raug ua tawm los kom muaj neeg koom coob. Tej zaum yuav coj mus rau tus yam ntxwv kov xov tooj tas mus li, quav xov tooj thiab tej kev xav muaj qhov tsis sib haum xeeb.
Lub Koom Txoos tsis tau nyob siab dua tej kev txaus ntshai no. Nws ua kom pom tias tej kev xav uas tsis sib haum nyob Online yuav ua teeb meem rau cov neeg ntseeg tau ib yam. Govekar hais tias : “Kev txhawj xeeb yog kev txhim kho, yog tus qauv txawv ntawm kev tshwm nyob hauv lub ntuj Online uas yuav pab txhawb nqa kev sib tham tseeb tiag. Kev tsim tej pab neeg thiab tsim kev sib koom ua ib tug. Dhau no lawm nws tseem hais txog cov hauj lwm hauv “Faith Communication in the Digital World” uas sau cov tub ntxhais hluas hauv ntau lub teb chaws thiab tom qab txais kev sau siab thiab ua cov hauj lwm xa xov ua ke. Tom qab ua hauj lwm los 5 xyoos, cov hauj lwm no tau txhim kho mus txog cov qub tub kawm uas sib paub hauv lub npe “Fully Present Network.”
Txawm li cas kuj xij, hais txog Goverkar mas qhov tseem ceeb tshaj ntawm cov hauj lwm no, tsis yog nyob ntawm kev txawj ntse xwb. Kev ua Yes Xus thwj tim thiab kev nyob sib ze, yog qhov tsim nyog hauv kev pab tib neeg kom loj hlob nyob hauv nws cov hauj lwm. Tsis yog kev sau cov ntsiab lus los yog rov ua dua zoo li qhov qub. Tab sis yog kev nkag mus txog tej kev paub, uas muaj dua cov neeg hla dhau los lawm nyob ntawm ib sab thiab qhia. Nws hais ntxiv tias : “Li ntawd, kev txhab kev ntseeg thiab kev qhuab qhia hauj lwm, phim yuav ua sib xyaws ua ke nrog kev muaj phooj ywg ua ke thiab tsim kev sib koom tes nyob hauv zej zog”
Thaum cov neeg ntseeg Kav Tos Liv nyob thoob As Xias teb tig los siv platform digital, kom tau mus txog cov tub ntxhais hluas thiab kev xa xov fab kev ntseeg ntau zuj zus. Govekar hais tias lub hom phiam tsis phim tias yuav ua kom muaj neeg saib coob xwb, tab sis phim yuav tshaj lub Moo Zoo hauv digital uas coj tib neeg mus txog kev sib raug zoo tseeb tiag, kev tsim cov neeg ntseeg thiab kev rov muaj feem cuam ua ke.
