Xis Laas Kas ua kom pom txog cov hauj lwm hauv kev tuam choj txuas nrog kev sib raug zoo, thaum FABC lub rooj sab laj loj los txog ze zuj zus.
Lub Koom Txoos nyob Xis Laas Kas tau hais txog lub Cim ntawm lub rooj sab laj kev nqua hu tias : Yog “Kev nqua hu kom tig los yuav lub siab tshiab raws lub pwm tsav txoj cai thiab cov hauj lwm hauv kev ua tus choj, thiab ua tus tuam coj nyob As Xias.” Hauv lub teb chaws uas tsoom pej xeem feem coob teev Phus Thas, mas muaj cov His Ntus, cov Mawv Xis Lim thiab cov neeg ntseeg nyob sib xyaws ua ke. Lub Koom Txoos pom tias kev tuam choj yog cov hauj lwm sab hauv thiab sab nraud. Lub Koom Txoos maj mam txhawb nqa kev sib koom tes nyob hauv lub Koom Txoos, thiab ua ke ntawd kuj txhawb nqa kev sib tham nrog lwm cov kev teev hawm nyob hauv txhua lub Koom Haum. Xws li Caritas Xis Laas Kas, cov Koom Haum zej zog thiab kev ntseeg, thiab cov Tswv Qhia cov kav xwm kev sib raug zoo hauv kev sib tham nrog lwm cov kev teev hawm. Kev muab siab rau ntawm lub Koom Txoos kev sib tham, yog tus cag tob uas tau txais kev txhawb nqa los ntawm cov neeg tsim, xws li tus kws kev ntseeg Yes Xus Is, Txiv Plig Aloysius Pieris, SJ thiab lwm tus neeg tseem ceeb. Xws li Txiv Plig Michael Rodrigo thiab Txiv Plig Marcelline Jayakody tus uas muab tus kheej los txhawb nqa kev sib nkag siab ntawm cov neeg ntseeg thiab cov teev Phus Thas. Cov tsev kawm ntawv Kav Tos Liv kuj muaj feem cuam, vim lawv pub kev txawj ntse rau cov tub kawm hauv fab kev ntseeg thiab lwm yam nrog kev txhawb nqa kev nyob ua ke yam kaj siab lug. Ib qho pov thawj tseem ceeb tshaj ntawm lub Koom Txoos uas tshwm sim tom qab kev tua neeg tuag hauv Hnub Chiv Hla xyoo 2009, yog thaum Tswv Qhia Malcolm Ranjith thov kom muaj kev tiaj tus thiab pab txuag kev phem tiv cov Mawv Xis Lim hauv zej zog. Tswv Qhia thiab Txiv Plig tseem txuag kev sib raug zoo nrog cov neeg Phus Thas, cov His Ntus thiab cov Mawv Xis Lim. Tab txawm tias lawv pom tias kev sib koom tes yog qhov txhawj xeeb ua ntu zus kuj xij.
Tus kws txuj uas yog Leej Phauj Rasika Pieris hais txog FABC lub rooj sab laj uas tab tom los yuav txog no tias : “Synodality ntawm lub Koom Txoos yuav tsum kav thiab muaj feem cuam, txhawb nqa kev sib tham thiab kev sib mloog. Txhawb nqa cov poj niam thiab cov neeg ntseeg kom muaj feem cuam ntau dua qub. Tsis tas li ntawd, tus kws txuj Shirley Lal Wijesinghe kuj thov kom txhawb nqa kev ua lub neej hauv tsev teev Ntuj, kev ua tus coj cov neeg ntseeg khov kho, kev dawb huv thiab kev tshaj lub Moo Zoo uas cia neeg ua qhov nruab nrab ntawm lub Koom Txoos cov hauj lwm. Thaum cov Tswv Qhia sib sau nyob Jakarta, mas Xis Laas Kas tej kev paub tau ua kom pom txog lub caij nyoog thiab kev txhawj xeeb hauv kev tuam choj nrog lwm cov kev teev hawm, tej kab lis kev cai thiab zej zog. Ua ke ntawd kuj txhawb kom lub Koom Txoos As Xias uas raws Synodality ntau dua qub.
