Koj tsis tuaj yeem yog tus nruab nrab ntawm Yes Xus tau. (You Can’t Be Neutral About Jesus)

Koj tsis tuaj yeem yog tus nruab nrab ntawm Yes Xus tau. (You Can’t Be Neutral About Jesus)

Hnub no peb tau nyeem phau ntawv Txoj Cai Ob, yog ib co lus zoo heev nyob hauv ntawv Cog Lus Qub. Phau ntawv lub npe yog Txoj Cai Ob, nws yog sau raws cov txwm ntawv tias Txoj Cai Ob. Li ntawd, cov ntsiab lus feem ntau thiaj yog hais txog txoj cai thiab cov lus cog uas Tswv Ntuj muab rau nws haiv neeg. Txawm li cas kuj xij, muaj ib lo lus nyob hauv no uas ntxim siab kawg. Vim Mais Xes hais rau ib zeej tsoom tias; txoj cai ntawd tsis yog nyob ib qhov twg ntawm qhov chaw siab. Nws tsuas yog lo lus nyob ib ncig peb uas raug teeb tseg los ntawm qhov nyob siab, tab sis nyob ze ze peb. “Vim lo lus no los nyob hauv nej hnub no, nws tsis yog yam tsis txaus ntseeg thiab nyob deb nej. Nws tsis yog yam nyob saum ntuj uas nej hais tias; leej twg yuav nce mus saum ntuj thiab nqa nws los rau peb ? Tsis yog li ntawd, nws nyob ze nej kawg. Nws nyob hauv nej lub qhov ncauj thiab hauv nej lub siab lawm.” Nej tsuas yog ua raws xwb. Nov yog lo lus tseem ceeb hauv yam peb hu ua txoj cai hauv Kav Tos Liv cov kab ke. Tej zaum koj tau hnov dua lo lus no thaum tib neeg tham txog lub neej ncaj ncees. Lub ntsiab lus tseeb tiag yog nyob hauv peb muaj tus cuj pwm hauv kev ncaj ncees, uas pab kom peb paub txog qhov tsim nyog yuav tsum ua. Tus cuj pwm muaj nqis uas ua kom peb paub txog lub ntsiab lus, lub hom phiaj thiab txoj hau kev hauv lub neej. Peb tuaj yeem nkag siab qee yam kev ncaj ncees los ntawm peb lub siab.

10 lo lus qhia tej zaum yuav hais tau tias yog kev piav txog txoj cai ntuj tsim no meej tseeb. C.S. Lewis hais txog kev teev hawm Tao ib yam li cov neeg teev hawm Tao. Tab sis yam uas nws hais txog yog kev ncaj ncese uas ri mus thoob ntiaj teb. Nws yog los qhov twg los ? Nws tsis yog los ntawm lo lus uas kev ntseeg lam teeb tseg. Tab sis nws yog los ntawm kev xav tseeb tiag hauv lub neej thiab muaj tus yam ntxwv zoo li cas ? Li ntawd, kuv xav hais txog txoj cai ntuj tsim thiab lub tswv yim kev xav no me ntsis.

Thawj lub ntsiab lus ntawm kev ua lub neej coj ncaj ncees, yog ua zoo thiab zam kev txhaum. Tej zaum koj yuav hais tias zoo kawg. Ntawd yog qhov meej tseeb lawm puas yog ? Sim xav txog peb tej kab lis kev cai zim txwv no seb, dab tsi tsis meej tseeb. Kev ntsia ntawm ib tsoom neeg zim txwv no yog zoo li cas ? Kev ncaj ncees yog yam kuv nyiam thiab koj nyiam, ces koj thiab kuv yuav zoo siab lees txais. Vim tsis muaj leej twg paub txog qhov phem thiab qhov zoo tiag tiag, thiab txhob saib tsis taus qhov muaj nqis ntawm kuv.

Li ntawd ua ntej yuav txiav txim siab hauv kev ncaj ncees, tsis hais kuv yuav ua yam ntawd los yam no, nws yeej muaj qhov xaiv nyob hauv kev ncaj ncees lawm. Kuv puas yog tus neeg nrhiav qhov zoo tseeb tiag, thiab kuv puas zam kev phem ? Koj yuav hais tias meej tseeb thiab tsis meej tseeb, vim muaj neeg coob thiab peb cov neeg ua txhaum tsis sib npaug kuj yog nyob hauv pab neeg no. Tab sis coob leej hais tias : dab tsi kuj xij tsuav nws zoo rau koj, dab tsi kuj xij uas nws ua rau koj lub neej sov siab, yog qhov tsim nyog koj ua. Thawj yam ntawm txoj cai ntuj tsim uas raug sau tseg nyob hauv neeg nruab siab, yog kev ua zoo thiab zam qhov phem. Koj yuav ua neeg raws li qhov koj ua, nov yog thawj nqe lus.

Peb los tham txog tias kev ncaj ncees yog dab tsi ? Nws yog qhov muaj nqis uas peb lees tias yog qhov muaj nqis ntawm peb. Vim nws muaj raws li qhov peb muaj, ces qee yam peb thiaj yuav tsum nrhiav raws li qhov ntuj tsim. Kuv yuav muab siab rau nrhiav yam zoo ntawd, thiab kuv zam qhov phem uas ntxim ntxub ntawd. Qhov tseem ceeb no yog dab tsi ? Nov yog thawj lo lus nug. Txoj sia yog qhov tseem ceeb, vim neeg txoj sia muaj nqis. Txoj sia yog qhov peb tsim nyog nrhiav kom tau txhim kho. Peb yuav zam txoj kev phem, peb tsim nyog tawm tsam nrog txhua yam uas tav peb kev, txhua yam uas yog qhov rhuav peb txoj sia. Peb tsim nyog yuav tiv tej yam ntawd. Peb yuav txhawb nqa txoj sia thiab ua siab tawv qhawv tiv txoj kev tuag.

Vaj Qhia Zam Paj Lug Ob tus uas tau hais txog lub neej ntawm txoj sia thiab lub neej ntawm kev tuag. Ua ke no peb yuav hais kom meej tseeb dua qub. Vim li cas peb thiaj muaj txoj cai kav peb ? Txoj cai khiav ceev, nres thiab tos teeb liab thiab lwm yam. Tas txhua yam no kuj yog vim peb tab tom nrhiav txoj sia. Peb tab tom nrhiav kom tau txuag txoj sia.

Ho los xav txog fab kev tseev tsim seb ! Vim li cas thiaj muaj txoj cai tawm tsam kev tua neeg ? Peb tawm tsam yam phem nyob hauv lub neej. Vim li cas cov tub tseev tsim thiaj hais txog txoj cai ntawm kev ua lub neej ? Vim lawv paub txog qhov tsim nyog ntawm kev ua lub neej. Cov tseem hwv yog txuag txoj cai rau peb lub neej. Hauv cov txuj kev ntseeg Kav Tos Liv, qee zaus tib neeg pom tias tej yam no ntxhov quav niab. Peb yuav txhawb nqa kab lis kev cai hauv lub neej, peb xav tau yam yug txoj sia thiab tiv kev ua lub neej hauv txoj kev tuag.

Nov yog kev ncaj ncees yam ob, yog kev txawj ntse. Peb yog hom neeg zoo li cas ?

Qhov tseeb tiag peb yog hom tsiaj uas muaj laij thawj, vim peb paub txog qhov muaj nqis. Kev paub zoo dua tsis paub. Qhov chaw los ntawm kev txawj ntse yog qhov zoo. Kev txawj ntse uas tav peb kev, yog qhov tsis zoo. Lub neej ncaj ncees, yog qhov peb tsim nyog ua kom haum. Vim li cas lub Koom Txoos thiaj txhawb kom muaj tsev kawm ntawv ? Vim nws yog kev txawj ntse uas peb tsim nyog nrhiav. Thiab peb yuav tav yam uas txwv neeg kev txawj ntse. Ntawd yog qhov peb tawm tsam tiv tej xov xwm cuav, kev ntseeg cuav thiab kev ruam. Vim kev txawj ntse yog qhov tsim nyog peb yuav nrhiav.

Nov yog qhov tim peb uas kuv nyiam, thiab kuv twb tau hais txog zaj no los lawm. Nws nyob hauv peb tej kab lis kev cai. Kev ua si yog qhov yooj yim thiab zoo heev. Koj hais tias koj hnov lawm, yog qhov me me xwb. Koj hais txog kev ua si dab tsi ? Kev ua si yog hais txog txhua yam uas peb nrhiav los kom tau ua si thiab nws muaj nws qhov zoo. Vim li cas peb thiaj saib yeeb yaj duab thiab tus neeg ua yeeb yam ? Vim li cas peb thiaj mus saib lawv ntaus paj nruag thiab hu nkauj ? Vim tej yam ntawd zoo saib thiab zoo mloog. Nws muaj qhov tsim nyog qhov peb nrhiav nyob hauv nws. Peb puas ntxhov siab los tsis ntxhov hais txog zej zog rais ua zej zog siv Technology thiab siv heev zuj zus ? Kuv xav tias ntxhov siab xwb. Zej zog uas tsis hwm yam zoo thiab muaj nqis ntawm kev ua si uas tsim nyog qhib dav hauv lub neej ntiag tug, hauv lub neej tej kab lis kev cai.

Peb tsim nyog yuav txhawb nqa thiab tsim nyog yuav tawm tsam txog cov teeb meem tsis zoo hauv kev ua si.

Nov yog kev ncaj ncees tim plaub uas peb hu ua kev phooj ywg. Kev nyob ib leeg tsis zoo li qhov peb hnov nyob hauv ntawv Hauv Paus. Peb yug los kom tau sib tham. Peb raug tsim los kom nyob ua zej zog. Peb yog hom tsiaj hauv kev tseev tsim. Ntawd yog hais txog cov tsiaj uas nyob hauv nroog, thiab tej nroog zoo li yog tej lub zos me me raws li kev nyob ntawm peb. Peb yog neeg uas nyob koom zej koom zos thiab tuaj yeem nrog lwm tus sib txuas tau zoo, ces peb xav tias qhov ntawd yog qhov zoo nyob hauv kev ncaj ncees.

Li ntawd, hauv peb lub neej ntiag tug thiab hauv tej zej zog, peb yuav nrhiav yam ua kom yog phooj ywg, kev sib txuas lus thiab kev nyob ywj siab hauv zej zog.

Peb yuav tiv tej kev rhuav tshem hauv kev phooj ywg.

Kuv hais ib qho piv txwv rau nej mloog; muaj coob leej hais txog zaj no zim txwv no. Ntawd yog txhua yam twj siv, xws li xov tooj iPhone, iPad thiab lwm yam. Tej yam ntawd yog tej yam uas peb xav tau, tab sis nws ua dab tsi rau peb ? Kev nyo hau saib xov tooj, ces txhua tus yuav mob caj dab. Kev nyob nrog lub ntiaj teb uas zoo li yog tiag, nws tab tom txiav kev sib raug zoo ntawm lub ntiaj teb. Yam li kev phooj ywg thiab cov neeg zej zog. Vim li cas cov hluas txheej tshiab nyem no lawv pheej hais tias ntshai suab qhov rooj nrov, ntshai lub sij hawm xov tooj nrov, ces ua rau lawv ceeb. Vim lawv lub neej yog raug tej yam li hais no kav.

Qhov no yog teeb meem ntawm zej zog thiab ntiag tug. Vim kev nyob xyaw zej zog thiab phooj ywg yog qhov zoo heev. Rov hais dua ib qho tias : kev teev hawm los kev ntseeg yog qhov zoo heev. Qhov hais li no yog qhov muaj nqis tshaj ntawm peb, vim peb tuaj yeem ntsia pom qhov muaj nqis nyob ib ncig peb. Xws li kev ua si, kev txawj ntse, kev nyob xyaw zej zog thiab kev ua lub neej. Tas qhov muaj nqis ntawm txhua yam no, nws raug teeb tseg ua theem ntawm qhov muaj nqis. Tas txhua yam zoo thiab muaj nqis uas peb paub ntawd, qhov kawg nws cuam tshuam txog qhov muaj nqis tob tshaj. Peb raug tsim los rau Tswv Ntuj thiab peb tus ntsuj plig paub zoo txog qhov ntawd. Leej Ntshiab Aus Nkus Tis Nus hais meej tseeb tias :

“Peb lub siab ywj fab ywj fwj, vim Tswv Ntuj tsim peb los rau nws.” Leej Ntshiab Aus Nkus Tis Nus nco txog qhov tseem ceeb uas muaj nqis no, nws yog qhov laij thawj tias vim li cas peb thiaj tsim nyog txhawb kev ntseeg ntawm tib neeg thiab hauv zej zog. Yog qhov laij thawj uas ib txwm los zej zog yeej txhawb nqa kev teev hawm thiab kev ntseeg. Txhawb nqa thiab caw kom ib tsoom neeg los koom kev ntseeg.

Li ntawd koj lub neej nyob hauv zej zog, kev ntseeg thiaj yog qhov zoo tshaj. Ces peb yuav nrhiav kom tau nws thiab tiv txhua yam uas tav nws kev. Lub neej hauv kev ncaj ncees thiaj tsis yog kev xav ntiag tug. Yog peb xav li ntawd, mas peb yuam kev loj kawg nyob hauv peb txheej neeg. Thov peb txhob yuam kev raws li Mais Xes tau hais rau peb txij puag txheej thaud los lawm. Txoj cai tsis yog nyob qhov ntawd thiab nyob sab nraud, nws yog nyob hauv peb nruab siab. Ces peb yuav npaj peb lub neej kom haum rau txoj cai ntawd. Koj ua xyem xyav tias yog vim li cas koj lub neej thiaj plam mus. Koj ua xyem xyav tias vim li cas koj thiaj tsis muaj kev sov siab tas mus li.

Puas yog tias koj tau hla txoj cai ntuj tsim no ?

Kwv tij Hmoob sawv daws, hnub no peb tham txog cov lus hauv Txoj Cai Ob los xaus li no xwb. Thov Huab Tais Yes Xus Pleev lub txiaj ntsim nrog nej nyob, ua nej siab kaj lug. Lwm zaus peb mam sib ntsib dua, nej sawv daws nyob zoo !