Pub raws li Tswv Ntuj pub. (Giving at the center of our faith)
Muaj ib qho txawv txawv uas hu ua “Qhov paj tshab nqos tsis mus nti tsis tawm.” Nov yog hais txog peb tus kheej. Lub ntiaj teb no tsis muaj qhov hais txog yuav muab paj tshab sib pauj, paj tshab los tau li cas ? Paj tshab yog los ntawm lo lus, yog yam uas hais tawm mus tsis muaj qhov sib khi puas yog ? Yog tias nws yog paj tshab uas muab rau kuv mas tsis muaj txiaj ntsim qab hau, kuv tsis vam txog dab tsi los pauj, tsis muaj hlua khi nrog nws. Txawm li cas kuj xij, thov hais dua ib zaug tias hauv lub ntiaj teb no uas peb nyob, thaum twg kuj xij yog koj muab paj tshab, mas zoo li yog koj muaj qhov khi tus neeg uas txais paj tshab. Koj sim xav seb thaum koj tau txais ib qho paj tshab ntawm ib tug neeg twg los, nws yog qhov paj tshab uas yog nyiaj, piv li hnub Tsuj Xeeb Yes Xus yug los, koj tsis nco txog kev sib khi ntawm koj lo lus teb ua tsaug puas yog ? Thiab lwm yam. Lo lus hais thiab tej toob xib uas koj tau txais nws yuav ua kom koj paub koj tus kheej, thiab saib seb nws yog hais txog dab tsi. Nov yog qhov nqos tsis mus nti tsis tawm, zoo li koj tsis tuaj yeem yuav muab tau qhov tseeb tawm los. Paj tshab yog qhov peb xav sib pauv tas mus li, nov yog qhov sawv daws xav tau. Kuv xav tias yam no yog, tab sis feem ntau nws poob mus rau kev txhaum. Kev txhaum thiab kev tsis sib haum xeeb ntawm peb. Kuv xav tias kev muab paj tshab los muab khoom plig, los yog kev txais paj tshab, nws yog qhov nyuab heev. Tab sis kev sib pauv yog qhov yooj yim, thiab qee zaus hauv lub caij Tsuj Xeeb Yes Xus yug los koj tau txais tej daim ntawv foom hmoov zoo ntawm tej tus neeg, nws kuj yog qhov zoo. Thiab tej daim ntawv uas muaj nyiaj nyob hauv, koj xav tias : Oh ! Thov Tswv Ntuj foom hmoov zoo rau koj thiab ua tsaug. Hais txog paj tshab, tam sim no kuv tsim nyog yuav sau cim tseg tias ua tsaug los kuv yuav tsum pauj ib yam rov qab. Leej twg tuaj yeem muab tau paj tshab tseeb tiag thiab puv npo ? Tsuas yog Tswv Ntuj tib leeg xwb. Yog vim li cas thiaj hais li ntawd ? Vim tias Tswv Ntuj tsis xav tau dab tsi kiag. Kev cav lus zoo, kev ncaj ncees thiab tas txhua yam uas peb muab cev rau Tswv Ntuj, mas Tswv Ntuj tsis xav tias yuav kom peb muab ntxiv. Tswv Ntuj yog tus zoo txhij zoo txhua, tas txhua yam uas peb muaj mas yog Tswv Ntuj pub rau peb. Li ntawd, tsis muaj ib yam dab tsi uas Tswv Ntuj xav kom peb pauj rov qab. Yog peb muab kuj tsis muaj qab hau dab tsi. Sim xav seb hauv Ntawv Ntshiab hais txog Tswv Ntuj yog tus pub pes tsawg zaus. Tswv Ntuj tsim lub ntuj lub teb, Tswv Ntuj muab 10 lo lus qhia, Tswv Ntuj them peb cov txim txhaum, Tswv Ntuj muab nws tus kheej nyob hauv Yes Xus thiab tsis vam txog dab tsi los pauj. Vim tsis muaj ib yam dab tsi yuav zoo tshaj yam Tswv Ntuj muaj. Kuv twb tau hais dua lawm hais txog kev nyiam kev hlub tias : yog kev txaus siab ntawm lwm tus zoo li lwm tus. Yog kuv nyiam, kuv yuav ua zoo rau koj. Yog kuv txaus siab rau koj qhov zoo, mas tej zaum koj yuav pauj rov rau kuv. Kuv thiaj muab kuv qhov zoo pub rau koj, kom koj zoo li txoj hlua sib khi hauv kuv txoj kev nyiam kev hlub puas yog ? Qhov ntawd yog ib qho saib tus kheej loj dua lawm. Yog kuv txaus siab ua koj qhov zoo tus tswv, mas kuv yuav saib koj qhov zoo kom muaj nqis. Thiab Tswv Ntuj tuaj yeem muab tej yam rau peb uas yog yam tsis muaj txiaj ntsig. Tswv Ntuj ua tau, vim Tswv Ntuj yog Tswv Ntuj. Tswv Ntuj nyiam thiab hlub dawb huv tiag tiag. Tas txhua yam no yog kev npaj ntawm peb tus kheej. Lus Kas ntawv Moo Zoo nyob hauv tshav puam, thiab Mas Tais ntawv Moo Zoo uas Yes Xus nthuav nyob saum roob, nws muaj cov ntsiab lus zoo ib yam ntau kawg. Kuv xav tias yam uas Yes Xus tab tom hais txog nws yog kawg. Koj yuav saib qhov Yes Xus hais tias : “Nej saib ! Lub ntiaj teb tsis muaj ciaj ciam thiab kev sib txeeb li no.” Tswv Ntuj nyob thiab nws nyiam lub ntiaj teb kawg, ces koj thiaj tuaj yeem ua lub neej nyob tau li no. Qhov uas kuv hais, yog hais txog koj yuav nyiam koj tus yeeb ncuab, koj yuav ua zoo rau tus neeg ntxub koj, koj yuav foom hmoov zoo rau tus foom phem rau koj, koj yuav thov Ntuj pub rau cov neeg hiam koj. Koj yuav nyiam koj tus yeeb ncuab, koj tus yeeb ncuab yog leej twg ? Koj tus yeeb ncuab yog nws, yog tus tsis nyiam koj, tus tsis hlub koj, tus tsis txawj pauj koj qhov zoo. Qhov ntawd yog qhov koj pub luag koj tsis vam kom luag pauj rov qab, koj pub luag yam tsis muaj qhov sib khi. Nyob hauv koj txoj kev sim siab, yog koj yuav nyiam koj tus yeeb ncuab, nyiam tus neeg tsis nyiam koj. Lawv tsis nyiam koj, mas lawv yuav tsis teb koj. Qhov ntawd yog qhov kev hlub dawb huv ntawm Tswv Ntuj thiab yog koj txoj kev hlub. Ua zoo rau tus neeg ntxub koj ib zaug ntxiv, thiab feem ntau peb puas tau ua dab tsi txog qhov no ? Peb xav tias kuv yuav ua zoo rau koj, ces koj ua zoo rau kuv. Ua zoo rau tus neeg ntxub koj, ces nws yuav tsis khiav koj. Foom hmoov zoo rau tus neeg foom phem rau koj, ces koj yuav xav tias ua cas kuv yuav mus foom lus zoo rau leej twg ? Yog koj foom hmoov zoo rau kuv, mas kuv yuav hais kom Tswv Ntuj nqes los nyob hauv koj. Qhov ntawd koj puas yuav ua tau ? Koj tsuas ua tau li no xwb. Koj yuav nyiam thiab hlub luag tej ib yam li qhov Tswv Ntuj nyiam thiab thov Ntuj pab lawv. Kuv yuav ua li ntawd tau li cas ? Koj yuav xav tias kuv yeej yuav tsis thov Ntuj rau tus neeg ua phem rau kuv ib zaug li, puas yog ? Yes Xus hais tias : “Koj yuav nyiam koj tus yeeb ncuab ib yam li koj nyiam koj.” Ces peb nco ntsoov lo lus ntawd cia mog ! Pub raws li qhov Tswv Ntuj pub, nyiam raws li qhov Tswv Ntuj nyiam.
