Zaj nyeem hnub tim 12 lub 2 hlis 2026
Hnub Tsib, Lis Piam 5 caij Nyob Nruab Xyoo
Cov lus nyob hauv Mas Kos Ntawv Moo Zoo (MK 7: 24-30)
Kwv tij sawv daws, nyob rau hauv zaj no peb yuav pom tias tus poj niam ntawd tab nws tsis yog haiv neeg Yus Das li Huab Tais Yes Xus, tiam sis, nws ntseeg tias, Huab Tais Yes Xus muaj peem xwm yuav ntiab dab tawm hauv nws tus ntxhais tau, ces nws tuaj thov Huab Tais Yes Xus pab nws. tab yog Huab Tais Yes Xus tau hais tej lo lus hnyav rau nws sim nws siab, tiam sis, nws kuj thov tsis tseg, nws thov Huab Tais khuv leej nws. ces qhov kawg nws tau txais raws li nws thov. Qhov no qhia rau peb tias, Huab Tais Yes Xus yog ib leeg Huab Tais siab zoo, nws ua siab muag rau peb txhua leej txhua tus, tsis hais haiv neeg twg kuj xij, yog peb muaj lub siab ntseeg thiab peb thov, mas Huab Tais yuav mloog xwb.
