ZAJ NYEEM HNUB TIM 12 LUB 3 HLIS 2024
HNUB PEB LUB LIS PIAM 4 CAIJ PLAUB CAUG
COV LUS NYOB HAUV ZAM NTAWV MOO ZOO (ZM 5: 1-3, 5-16)
Cov Hmoob sawv daws, Ntawv Moo Zoo hnub no hais tias Huab Tais Yes Xus pom tus tuag ceg los tau 38 xyoo lawm, nws pw nyob ze lub pas dej Npes Xas Thas kom tau ntxuav nws tus mob, tab sis tsis muaj neeg pab coj nws nqes mus hauv lub pas dej ces nws thiaj tsis txawj zoo. Huab Tais Yes Xus pom nws, Huab Tais Yes Xus khuv leej nws, ces Huab Tais Yes Xus thiaj kho nws. Hnub ntawd, yog hnub Xas Npas Tos.
Hnub Xas Npas Tos yog hnub cov His Xas Lais yuav tsum caiv tsis ua hauj lwm, yog hnub lawv qee rau Tswv Ntuj. Tab sis Huab Tais Yes Xus tsis caiv cov hauj lwm pab neeg, vim Tswv Ntuj nyiam kom neeg ua cov hauj lwm pab lwm tus zoo dua cia neeg nyob ntsia lwm tus raug txom nyem.
Cov kwv tij, nyob hauv peb kev ua neej, mas peb txhob tos cia lwm tus tsa ncauj thov tso, peb mam pab nws; thiab peb txhob muab tej caij nyoog los cais peb ntawm kev ua zoo rau lwm tus. Peb yuav muaj ib lub siab khuv leej, hlub, zoo siab nqes tes ua cov hauj lwm pab lwm yam tsis muaj chaw xyeej mog!
Nyob zoo sawv daws.
