ZAJ NYEEM HNUB TIM 12 LUB 8 HLI 2025
HNUB NCO TXOG NIAM MAB LIAB LUB NPE NTSHIAB
COV LUS NYOB HAUV LUS KAS NTAWV MOO ZOO (LK 6: 39-42)
Kwv tij sawv daws, kev mloog Tswv Ntuj Lo Lus thiab ua tib zoo khaws coj los xav, mas peb yuav pom qhov ntseeb tias Tswv Ntuj cov lus yog los lus tseeb, uas zoo li lub teeb ci pom kev rau peb lub neej. Peb thiaj yuav ua lub neej taug mus lawm pem hauv ntej tau, thiab tsis qoj tsis qaug.
Lub ntsiab tseem ceeb nyob rau hauv zaj hnub no tsis yog, kev dig quav nplej nyob hauv luag qhov muag xwb, tiam sis, yog qhov tias Tswv Ntuj cov lus yog qhov pom kev kaj peb tus ntsuj plig, yog peb nquag mloog Tswv Ntuj cov lus, ces peb lub tswv yim yuav pom kev, peb lub siab yuav kaj, peb txawj xam pom qhov zoo thiab qhov yog, ces peb thiaj tsis zoo li tus neeg dig muag ntxiv.
Yog thaum peb muaj Tswv Ntuj cov lus qhia nyob rau hauv peb lub siab lawm, peb yuav txawj xaiv qhov zoo ua, peb yuav tsis ua txhaum, thiab peb yuav muaj peev xwm yeej ib puav tsawv yam kev phem kev tsis zoo uas yuav tuaj nphav peb.
Nyob zoo sawv daws.
