ZAJ NYEEM HNUB TIM 16 LUB 2 HLIS 2024
HNUB RAU TOM QAB HNUB PLAUB TXAIS TSHAUV
COV LUS NYOB HAUV MAS TAIS NTAWV MOO ZOO (MT 9: 14-15)
Kwv tij Hmoob sawv daws, cov Yus Das muaj ib txoj kab ke tias Hnub Chiv tom qab rooj tshoob yog lub sij hawm nkauj nyab nraug vauv yuav ua ntees lom zem xyiv fab nrog cov phooj ywg, lawv yuav tsis yoo mov raws txoj cai. Li ntawd Huab Tais Yes Xus thiaj ua paj lug hais tias nws yog tus nraug vauv, hos cov thwj tim yog nraug vauv cov phooj ywg. Lub zim txwv ntawd yog lub caij ua tshoob, lawv tab tom ua ntees lom zem vim Huab Tais Yes Xus txawm nrog lawv nyob, tab sis hnub Huab Tais Yes Xus ncaim lawv mus lawm, lawv mam yoo mov raws txoj cai. Yog li lun caij Plaub Caug thiaj yuav yog caij nyoog Yes Xus cov thwj tim npaj kom txhij tos Leej Pleev rov los, lawv yuav yoo mov, tsim koob hmoov thiab thov Ntuj txhua lub sij hawm.
Nyob zoo sawv daws.
