ZAJ NYEEM HNUB TIM 16 LUB 3 HLIS 2024
HNUB XYA LUB LIS PIAM 4 CAIJ PLAUB CAUG
COV LUS NYOB ZAM NTAWV MOO ZOO (ZM 7: 40-53)
Cov kwv tij Hmoob sawv daws, lub Moo Zoo hais tias thaum tsoom sid hnov Huab Tais Yes Xus cov lus mas muaj ib pab ntseeg thiab muaj ib co tsis kam ntseeg. Lawv tawg ua ob pab li ntawd, mas sawv daws thiaj pib muaj lus.
Cov Fas Lis Xais yeej tsis nyiam Huab Tais Yes Xus, thaum lawv pom Huab Tais Yes Xus cov lus ua rau tsoom sid tsis sib haum li ntawd mas lawv ntshai tsam tsoom pej xeem sawv ua ntxhov, ces cov Fas Lis Xais thiaj xav muab Huab Tais Yes Xus tua. Lawv pib liam tias Huab Tais Yes Xus cov lus yog lus dag lus ntxias neeg. Lawv kuj tau qhia li ntawd rau lwm tus thiab.
Kwv tij Hmoob, peb ua neej nyob mas peb txhob cia peb lub siab nqaim, lub siab qia dub los luam peb lub tswv yim kom ntsia tsis pom luag lwm tus qhov zoo. Tsis tas li ntawd, peb ua neeg nyob peb kuj yuav ruaj nreg rau kev ua hauj lwm zoo txawm tias yuav raug xwv txheej los ntsib kev iab hiam ntawm lwm tus. Vim tias peb lub cev yuav lwj mus tsis kav peb qhov zoo yuav nyob mus li.
Nyob zoo sawv daws.
