Hnub tim 16 lub 5 hlis 2025
Lis piam 4, lub Caij Hla.
Kev mus kev uas luv tshaj, yog kev mus kev uas muaj neeg sib paub siab mus ua ke.
Yes Xus thiaj rov muab nws tus kheej los ua phooj ywg nrog peb mus kev ua ke, nyob hauv kev rov mus cuag Leej Txiv. Peb puas lees txais Yes Xus ua peb tus phooj ywg mus kev ua ke ? Yes Xus yog tus phooj ywg uas paub peb siab, tab sis tsuas yog peb xwb thiaj tsis paub Yes Xus lub siab. Li ntawd, kev mus kev uas yog mus cuag Leej Txiv nyob saum lub Ceeb Tsheej kaj nrig, nws yooj yim thiab yeej yuav mus txog lub hom phiaj xwb. Yog tias txhua txhia hnub peb ua lub neej raws ntawv Moo Zoo.
