ZAJ NYEEM HNUB TIM 21 LUB 11 HLIS 2025
HNUB CEV MAB LIAB RAU TSWV NTUJ
COV LUS NYOB HAUV LUS KAS NTAWV MOO ZOO (LK 19: 45-48)
Kwv tij sawv daws, lub tsev teev Ntuj yog Huab Tais Tswv Ntuj lub tsev. Yog peb cov ntseeg qhov chaw teev hawm, thiab yog zoo li peb rooj vag uas peb yuav chaw mus hauv Tswv Ntuj lub Ceeb Tsheej. Vim tias, thaum peb yug los tshiab thiab peb xav txais lub Cim Ntxuav, peb yuav tsum xub chaws los txais hauv lub tsev teev Ntuj ua ntej. Thaum peb tso lub ntiaj teb no tseg, los peb yuav xub chaws mus hauv tsev teev Ntuj ua ntej tso, ces peb mam li tawm rooj mus. Li ntawd, lub tsev teev Ntuj tsis yog ib leej twg tug, tiam sis, yog peb sawv daws tug. Yog qhov chaw uas peb yuav tau kev nrog Tswv Ntuj sib fim, tsis hais tus muaj tus pluag, tus ruam tus ntse, tus tuag ceg dig muag, tsis kav tau kev tuaj cuag Tswv Ntuj, thiab yog qhov chaw rau peb tsoom ntseeg sawv daws, tau kev sib txoos nkaum tshav nkaum nag. Li ntawd, lub tsev teev Ntuj yog qhov chaws uas muaj Huab Tais Tswv Ntuj nyob nruab nrab peb sawv daws. Yog li ntawd, peb yuav tsum sib pab txuag. Thaum peb pom tias qhov twg tsis zoo, los yog tsis huv lawm, peb yuav tsum xib pab ntxuav sib pab kho kom zoo, kom xwv yog ib lub tsev ntshiab rau peb sawv daws tau kev teev hawm.
Nyob zoo sawv daws.
