ZAJ NYEEM HNUB TIM 28 LUB 4 HLIS 2025
HNUB OB LUB LIS PIAM 2 CAIJ HLA
COV LUS NYOB HAUV ZAM NTAWV MOO ZOO (Z 3: 1-8)
Kwv tij Hmoob, lub Moo Zoo hais tias tus Fas Lis Xais hu ua Nis Kos Des Mos, nws tau pom cov hauj lwm Huab Tais Yes Xus ua, nws ntseeg tias Huab Tais Yes Xus yog tus Tswv Ntuj xa tuaj tiag, ces muaj ib hmos nws thiaj tuaj ntsib Huab Tais Yes Xus.
Nis Kos Des Mos thiab Huab Tais Yes Xus sib tham mas peb tsis paub tias ntev npaum cas, tab sis muaj ib yam Huab Tais Yes Xus hais rau Nis Kos Des Mos, yog lo lus tias “Tus yug ntawm lub cev nqaij los, mas nws yog nqaij. Tus yug ntawm Leej Ntuj Plig los, mas nws yog plig.”
Kwv tij, thaum peb txais lub Cim Ntxuav, tus Txiv Plig ua lub Cim Ntxuav yuav hais lo lus tias ‘kuv hu txog Leej Txiv, thiab Leej Tub, thiab Leej Ntuj Plig Ntshiab lub npe, kuv ntxuav koj’, mas thaum ntawd peb ntseeg tias peb tau yug los dua tshiab ua Tswv Ntuj cov me nyuam. Leej Ntuj Plig Ntshiab los nyob hauv peb, ces peb yuav cia Leej Ntuj Plig Ntshiab ua tus coj peb kev xws li nthwv cua tshuab lawm seem twg kuj tau raws li Tswv Ntuj pom zoo. Nyob zoo sawv daws.
