Fis Lis Pees: Lub tshaj xo RVA tau qhib lub tsev teev Ntuj hwm 3 tug Leej Ntshiab nyob hauv Hnub Chiv kev khuv leej.
Fis Lis Pees: Lub tshaj xo RVA tau qhib lub tsev teev Ntuj hwm 3 tug Leej Ntshiab nyob hauv Hnub Chiv kev khuv leej.
Lub tshaj xo RVA nyob As Xias tau ua cov kab ke foom hmoov zoo thiab qhib lub tsev teev Ntuj hwm ‘3 tug Leej Ntshiab’ uas raug kho dua tshiab hnub tim 12 lub 4 hlis, yog ncaj rau Hnub Chiv kev khuv leej. Muaj cov neeg ntseeg 200 tawm leej tuaj koom lub thaj txi Ntuj ua Tswv Ntuj tsaug ua ke, nyob hauv lub nroog Quezon City, nyob Fis Lis Pees teb.
Lub thaj txi Ntuj zaum no muaj Tswv Qhia Elias L. Ayuban Jr ntawm lub Cheeb Koom Txoos Cubao ua tus coj lub Txoos. Nws yog tus tuav txoj hauj lwm ua tus lwm tswj cov kav xwm fab kev kawm thiab tuav Fis Lis Pees lub tshaj xo tej ntaub ntawv (PREEIC), uas yog lub tshaj xo Radio Veritas Asia. Cov koom ua lub thaj txi Ntuj, xws li Txiv Plig Felmar Fiel, SVD tus saib xyuas hauj lwm thiab Txiv Plig John Mi Shen tus thawj tswj lub tshaj xo, nrog rau cov Txiv Plig uas ua hauj lwm nyob hauv RVA.
Nyob hauv cov lus tos txais thiab cov lus ua tsaug, Txiv Plig Felmar Fiel ntawm lub Koom Haum SVD tau hais lus ua tsaug txog kev kho lub tsev teev Ntuj tiav. Yog kho tiav nyob hauv lub caij RVA tab tom tsuj xeeb txwm 57 xyoo hauv kev teeb tsa.
Kab ke foom hmoov zoo thiab cov lus hauv kev khuv leej.
Tswv Qhia Elias Ayuban yog tus coj hauv kev foom hmoov zoo. Nws thov Tswv Ntuj foom hmoov zoo rau lub tsev teev Ntuj me me uas raug kho dua tshiab. Yog qhov chaw ‘tos txais cov neeg txawv ntsej muag, tus neeg yuam kev tau txais kev pab cuam thiab cov neeg qaug zog ntsib chaw so’, thiab pov dej foom hmoov zoo rau saum lub tsev teev Ntuj.
Kab ke muab cev rau 3 tug Leej Ntshiab.
Tom qab nthuav ntawv Moo Zoo tas, lub tsev teev Ntuj me me no raug muab cev npe raws kev cai ua lub tsev teev Ntuj hwm 3 tug Leej Ntshiab ntawm Richmond, Virginia, kom tau hwm peb tus neeg nto npe hauv Kav Tos Liv txheej tshiab.
Xws li Vaj Qhia Paj Lug 6, Vaj Qhia Zam Paj Lug Ob thiab Leej Niam Teresa.
Hauv cov lus luv luv Txiv Plig John Mi Shen tau piav txog qhov tseem ceeb ntawm kev cev lub tsev teev Ntuj. Yog nco txog 3 tug Leej Ntshiab uas lawv tau mus tsham Virginia thiab tso lawv txoj kev ntseeg cia kom nyob ntev. Dhau ntawd tau nqa 3 tug Leej Ntshiab cov pob txha thiab Vaj Qhia Zam Paj Lug Ob lub khauj khaum taub hau los nquam lub tsev teev Ntuj ntshiab. Tswv Qhia Ayuban txais cov pob txha thiab coj mus tso rau qhov chaw npaj tseg cia nyob ntawm lub tsev teev Ntuj me sab phab ntsa, kom tau cev lub tsev teev Ntuj raws txoj cai los hwm 3 tug Leej Ntshiab.
Kev tsuj xeeb thiab yav tom ntej.
Tom qab ua thaj txi Ntuj tas, muaj kev noj mov ua ke ntawm cov neeg tuaj sib koom. Muaj tso yeeb yam duab luv luv hais txog RVA cov liv xwm nyob thoob As Xias, nrog rau kev hais lus ntawm cov tuaj koom lub thaj txi Ntuj niaj hnub thiab cov tub ua hauj lwm. Lawv piav tias lub tsev teev Ntuj no muaj txiaj ntsim qab hau rau lawv li cas ?
Qee leej tseem piav txog tej uas lawv pom nyob hauv 3 tug Leej Ntshiab thaum mus tsham RVA. Hais txog yav tom ntej, Txiv Plig John Mi Shen kuj hais txog kev npaj ua hmoov tsuj xeeb txwm 60 xyoo kev teeb tsa RVA rau xyoo 2029. Ib feem hauv kev npaj 3 xyoos tom ntej, mas txhua txhua xyoo yuav muab cev rau 3 tug Leej Ntshiab ntawd ib tug kuj tau. Yuav xaus rau kev txhim lub vaj ncig ua si hwm 3 tug Leej Ntshiab nyob hauv RVA qhov av. Yuav txhim tej tus mlom luaj li tus neeg tiag thiab sau txog lawv txoj kev ntseeg. Zim txwv no lub tsev teev Ntuj hwm 3 tug Leej Ntshiab ntawm RVA, yog lub plawv fab ntsuj plig ntawm Radio Veritas Asia. Yog lub Cim nyob ib txhis ntawm txoj kev ntseeg, kev tshaj lub Moo Zoo thiab koom nrog lub Koom Txoos nyob thoob ntiaj teb ua ib lub siab
