Kev tsis sib haum xeeb, tom qab Nyab Laj txoj cai kav pej xeem.
Thaum kev yug los tshiab poob qis dua kev pauj, mas kev sib txw thiab kev sib deev yog qhov maj dua. Dhau los ntau caum xyoo uas Nyab Laj teb raug qhuas tias ; yog lub teb chaws ua tiav hauv kev txwv tsoom pej xeem nyob As Xias.
Ntau xyoo dhau los tom qab tsov rog thiab kev txhim kho kev lag luam uas sawv daws paub hauv lub npe ‘Doi Moi’, tseem hwv tau txhawb nqa kev tsim kho lub neej tshiab nruj kawg hauv ‘ib tse neeg tsuas pub muaj 1 tug los 2 tug me nyuam xwb.”
Nov tsis yog tias lam hais. Yim neeg twg uas muaj tus me nyuam tim 3, mas yuav raug nplua nyiaj raws txoj cai. Zim txwv no tsis tau txog 10 xyoo tom qab txheej neeg kav nruj nruj siv. Nyab Laj teb tab tom ntsib qhov teeb meem zoo ib yam. Kev ua kom muaj me nyuam nyob hauv cov nroog loj poob qis dua kev pauj. Lub teb chaws muaj cov neeg laus coob tuaj sai heev thiab yog lub qhov rooj kub ntawm pej xeem li keeb kwm.
Yog lub caij uas muaj cov neeg ua hauj lwm coob, tab tom tsawg zuj zus. Tam sim no tseem hwv tsis txhov siab txog kev yug me nyuam coob, tab sis ntxhov siab txog cov me nyuam yug los tshiab tsawg dhau. Kev pauv ntxeev txoj cai no ua pom txog kev tsis sib haum xeeb ntawm tsoom pej xeem. Cov nom uas yav tag los tau muab txim rau cov muaj me nyuam coob tshaj 2 leeg, tam sim no raug ua tus piv txwv. Xws li yuav tsum muaj me nyuam txij 2 leeg rov saud.
