Lub tsev teev Ntuj nyob Indonesia xyaum qhia cov neeg ua hauj lwm kom lawv txawj saib cov neeg tuag lub cev tuag muaj nqis.
Lub tsev teev Ntuj nyob Indonesia xyaum qhia cov neeg ua hauj lwm kom lawv txawj saib cov neeg tuag lub cev tuag muaj nqis.
Ib lub tsev teev Ntuj nyob Ntsas Vas Nrab tau qhib qhia cov neeg kam ua hauj lwm, kom lawv paub saib xyuas cov neeg tuag lub cev tuag kom zoo thiab muaj nqis. Yog hais txog lub meej, kev hwm thiab kev txhawb nqa fab ntsuj plig raws kev ntseeg Kav Tos Liv. Kev qhia kom paub saib lub cev tuag raws cov Kav Tos Liv nyob hauv lub tsev teev Ntuj Leej Ntshiab Paj Lug, hauv lub nroog Kleco, thiab koom nrog lub tsev kho mob Brayat Minulyo nyob Surakarta. Muaj cov neeg tuaj xyaum kawm ua ke 90 leej, feem coob yog cov neeg ntseeg tuaj ntawm 51 lub zos tuaj.
Cov hauj lwm no tsa los ntawm Pangruktilaya Ministry, yog cov hauj lwm muab tus kheej ua hauj lwm saib xyuas cov neeg tuag. Lo lus tias Pangruktilaya yog xeem lus nyob Ntsas Vas uas hais txog kev saib xyuas thiab npaj kom zoo rau cov neeg tuag.
Kev xyaum no xav muab kev txawj ntse fab ntsuj plig rau cov neeg ua hauj lwm, kom lawv txawj saib xyuas cov neeg tuag hauv tsev teev Ntuj. Lub tsev kho mob Brayat Minulyo cov neeg tau qhia cov neeg tuaj kawm, kom lawv nkag siab txog qhov tseem ceeb ntawm cov neeg tuag fab ntsuj plig. Yog hais txog Ntawv Ntshiab, xws li “Kuv saib Leej Pleev yog kuv txoj sia. Kuv saib txoj kev tuag yog ib yam paj tshab.” Thiab txoj sia hloov mus, tsis yog kawg. Thaum peb lub neej nyob ntiaj teb no piam sij, mas lub tsev nyob saum Ceeb Tsheej twb npaj tseg rau peb lawm.
