Mas Les Xias : Penang lees txais kev tsuj xeeb Leej Ntshiab As Nas ua lub cuab tam hauv lub xeev Penang.
Mas Les Xias : Penang lees txais kev tsuj xeeb Leej Ntshiab As Nas ua lub cuab tam hauv lub xeev Penang.
Kev tsuj xeeb Leej Ntshiab As Nas niaj xyoo nyob hauv lub tsev teev Ntuj me me hwm Leej Ntshiab As Nas nyob Bukit Mertajam, nyob Mas Les Xias xib fab pej. Raug lees txais raug cai ua lub cuab tam ntawm lub xeev Penang, raws lub xeev Penang txoj cai cuab tam xyoo 2011.
Kev tshaj tawm no tshwm sim hauv cov kab ke tshaj txog lub cuab tam hauv lub xeev Penang, uas yog lub pwm tsav cov kav xwm Penang lub cuab tam tshaj tawm hnub tim 9 lub 5 hlis no. Nyob hauv lub zos Kampung Mengkuang Titi, nyob Kubang Semang. Muaj yawg Chow Kon Yeow uas nws yog tus thawj tswj lub xeev Penang ua tswv cuab. Kev lees txais no ua kom cov kab ke hwm Leej Ntshiab As Nas yog ib lub cuab tam hauv tej kab lis kev cai tuav tsis tau uas lub xeev Penang txuag cia. Yog qhov lees txais kev tsuj xeeb uas muaj los ntev no hauv lub neej ua neeg ntseeg thiab yog lub xeev tej kab lis kev cai. Txhua txhua xyoo lub 7 hli, yuav ua cov kab ke no nyob hauv lub tsev teev Ntuj me me hwm Leej Ntshiab As Nas, thiab muaj neeg cav ncha kawg tias yog cov neeg ntseeg Kav Tos Liv cov kab ke uas loj tshaj plaws nyob Mas Les Xias teb. Thiab yog ib qho chaw tawm rooj fiv Ntuj ntawm cov neeg ntseeg coob tshaj nyob As Xias toob fab naj. Txhua txhua xyoo yuav muaj cov neeg tawm rooj fiv Ntuj thiab cov neeg ncig tsham teb chaws ntau caum txhiab leej tuaj mus rau Bukit Mertajam, kom tau koom cov kab ke tsuj xeeb nruab xyoos. Muaj cov neeg tawm rooj fiv Ntuj nyob thoob Mas Les Xias teb, Xees Cas Pos teb, Thaib teb, Is Ntos Nes Xias teb, Fis Lis Pees teb thiab lwm lub teb chaws nyob hauv xeev ntuj tuaj koom.
Kev tsuj xeeb muaj lub thaj txi Ntuj ua ntau xeem lus, muaj nquam tswm ciab, muaj hais Txoj Saw Mab Liab thiab cov kab ke hais txog Leej Ntshiab As Nas, uas yog Mab Liab niam raws lub xeev Penang txoj cai cuab tam xyoo 2011.
Kev lees txais no tsis yog tias lub tuam tsev thiab qhov chaw thiaj yog liv xwm xwb, tab sis yog tas nrho kev ua tawm hauv tej kab lis kev cai thiab kev ua tawm uas pom tias tseem ceeb rau tus yam ntxwv thiab kev txhim kho cov liv xwm hauv lub xeev thiab. Hauv kev sib tham nrog Radio Veritas Asia, mas Txiv Plig Lazarus Anthony tau hais ua tsaug rau cov tseem hwv Penang uas lees txais kev tsuj xeeb Leej Ntshiab As Nas ua lub cuab tam uas tuav tsis tau. Lub tsev teev Ntuj hwm Leej Ntshiab As Nas lub keeb tig rov mus rau tiam 19, thaum cov neeg Suav thiab cov neeg Is Ntias Kav Tos Liv ua thoj nam vim muaj kab mob siab kis nyob Batu Kawan, thiab ntseeg tias yog qhov lawv tsiv los nyob Bukit Mertajam. Ces lawv thiaj pib sib sau thiab teev Ntuj nyob saum lub roob Leej Ntshiab As Nas.
Thawj lub tsev teev Ntuj yog txhim nyob saum ncov roob ua ntej yuav txhim lub tsev teev Ntuj tim ob hauv xyoo 1865. Xyoo 1888 Txiv Plig F.P Sorin tau txhim dua ib lub tsev teev Ntuj tshiab loj dua lub qub, uas zim txwv no sawv daws paub nyob hauv lub npe ‘Lub qub tsev teev Ntuj’, los yog lub tsev teev Ntuj Harmony. Lub tsev teev Ntuj zim txwv no yog qhib nyob hauv xyoo 2002, thiab txhim los kom txaus ntim cov neeg ntseeg coob coob uas tuaj sib sau ua hmoov tsuj xeeb nruab xyoos.
Xyoo 2019, Vaj Qhia Fas Ntshis Kus tau muab lub tsev teev Ntuj no hloov los ua lub tuam tsev teev Ntuj tim ob, kom yog thawj lub tsev teev Ntuj nyob Mas Les Xias teb uas tau txais lub npe no.
