Tus kws muab tshuaj Kav Tos Liv neeg Npees Las Des ua kom pom txog kev nqes dag zog thiab kev muab siab rau hauv ntiaj teb cov kws muab tshuaj hnub.

Tus kws muab tshuaj Kav Tos Liv neeg Npees Las Des ua kom pom txog kev nqes dag zog thiab kev muab siab rau hauv ntiaj teb cov kws muab tshuaj hnub.

Thaum ntiaj teb tab tom tsuj xeeb cov kws muab tshuaj hnub, uas yog hnub tim 12 lub 5 hlis no. Lub ntsiab lus hauv xyoo no, yog “peb cov kws muab tshuaj, peb lub neej yav tom ntej, kws muab tshuaj uas tau txais lub zog cawm neeg.” Yog qhov ntxim siab ntawm ib tsoom neeg hauv kev saib xyuas lub cev ntaj ntsug, uas kheev kheev raug quab yuam. Nyob Npees Las Des teb tsis muaj cov kws muab tshuaj txaus. Lawv tej kev paub ua kom pom txog qhov xav tau ntxiv thiab kev txhawj xeeb uas cov saib xyuas ntsib txhua hnub. Ib tug nyob hauv cov neeg ntawd, yog Elizabeth Corraya tus kws muab tshuaj Kav Tos Liv hnub nyoog 40 xyoo. Tus ua hauj lwm hauv kev kho raum thiab hlab zis hauv lub teb chaws nyob Dhaka. Nws yog tus kws muab tshuaj laus tshaj nyob hauv cov neeg mob tom qab phais tag. Nws siv sij hawm ua hauj lwm ntev hauv kev saib xuas cov neeg mob tom qab lawv raug phais. Yuav ua txoj hauj lwm kho mob saib xyuas kom zoo thiab txhawb lub zog rau cov tsev neeg uas tab tom ntsib kev tsis ruaj khov. Nws nyiam ua kws muab tshuaj txij thaum yau los lawm. Nws tau txais lub zog txhawb siab txog kev saib xyuas hauv zaj yeeb yaj duab Bengali uas muaj kev khuv leej. Tej nws lub siab ntshaw tau txais kev txhawb nqa los ntawm nws tus phauj, uas yog Leej Phauj Gaetanina Corraya hauv lub Koom Haum Leej Phauj hwm Niam Mab Liab lub siab ntshiab. Tau txhawb nqa kev txiav txim siab ntawm nws hauv kev ua kws muab tshuaj.

Zim txwv no Elizabeth ua hauj lwm hauv ib lub tsev muab tshuaj uas neeg coob tshaj nyob hauv lub teb chaws. Cov neeg mob uas raug phais lawv pw nyob hauv cov chav so uas saib xyuas thawj 24 teev, tom qab phais tas. Ntawm Elizabeth mas kws muab tshuaj tsis yog kev ntiav zog, tab sis yog kev ua hauj lwm hla ciam hauv zej zog thiab kev ntseeg.

Txoj hauj lwm no ua rau nws ruaj khov fab nyiaj txiag thiab hauv zej zog. Nws tsis yog  tias saib xyuas nws tsev neeg xwb, nws tseem saib xyuas tas nrho nws cov kwv tij thiab  nws tus txiv tsev neeg thiab. Txawm li cas kuj xij, txoj hauj lwm no ib txhij muaj nrog kev nyuab siab tas mus li. Elizabeth ua kom pom txog kev pheej hmoov uas cov kws muab tshuaj ntsib hauv lub caij tus kab mob sib kis thiab tej xwm txheej ceev ntawm kev noj qab haus huv. Hauv tsev kho mob, kev npau taws muaj sai kawg thaum cov neeg mob tuag los yog kho tau tsis raws li tsev neeg xav.

Thaum cov neeg mob tuag, qee zaus lawv cov txheeb ze npau taws rau cov kws kho mob thiab kev kho mob txog qhov sib ntaus thiab tsoo ub no hauv tsev kho mob thiab. Nws hais tias nov yog qhov tseeb uas peb ntsib ib yam. Tab txawm muaj qhov npau taws, tsis kav Elizabeth hais tias kev ntseeg ntawm txoj kev ntseeg yog qhov tseem ceeb hauv nws txoj kev ua hauj lwm.

Nws hais tias : “Hauv kev ua ib tug kws muab tshuaj neeg ntseeg, kuv yuav maj mam ua siab txias saib xyuas cov neeg mob thiab uv kom dhau. Kuv tsis tau ncaj qha qhia txog Yes Xus, tab sis kuv maj mam siv kev ntseeg nyob hauv kuv tej kev ua thiab kuv tus yam ntxwv.”