Tswv Qhia Khamse Vithavong uas yav tag los nws yog tus Tswv Qhia nyob tuam ceeb Vees Cas, nws tau tag sim neej thaum nws muaj 82 xyoos.
Tswv Qhia Khamse Vithavong uas yav tag los nws yog tus Tswv Qhia nyob tuam ceeb Vees Cas, nws tau tag sim neej thaum nws muaj 82 xyoos.
Tswv Qhia Khamse Vithavong yog ib tug tub tshaj Ntuj Lus uas muab siab rau tshaj Tswv Ntuj cov Lus thiab yog tus Tswv Qhia nyob Vees Cas, nyob Los Tsuas teb. Nws tuag hnub tim 8 lub 12 hlis xyoo 2024. Thaum nws muaj 82 xyoos.
Tswv Qhia Khamse yog ib tug Tswv Qhia zwm rau lub Koom Haum OMI. Nws muab siab rau ua hauj lwm fab qhia kev ntseeg, tab txawm yuav ntsib ntau yam teeb meem kev nyuab nyob hauv ntau xyoo kev coj nruj nruj nyob Los Tsuas teb.
Cov Tswv Qhia nyob Thaib teb hais tias : “Tswv Qhia Khamse yog tus coj lub Koom Txoos Kav Tos Liv nyob Los Tsuas teb uas muab siab rau. Yog qhov chaw paub kev ntseeg ruaj khov thiab ua hauj lwm pab cov neeg Los Tsuas. Nws tsev neeg, tej phooj ywg thiab tsoom pej xeem Los Tsuas sawv daws puav leej nco txog Tswv Qhia Khamse.”
Hauv nws txoj kev ua Tswv Qhia, kev muab siab rau saib xyuas fab ntsuj plig muaj puv npo. Tab txawm yuav ntsib kev nyuab ntau npaum cas hauv kev tshaj Ntuj Lus nyob Los Tsuas yav qaum teb, xws li lub xeev Louang Phabang. Tswv Qhia Khamse cov hauj lwm yog qhia cov neeg ntseeg Kav Tos Liv nyob Los Tsuas teb kom cov neeg ntseeg txawj npaj tos txais txhua yam, xws li kev ua hmoov tsa 15 tug Tim Khawv nyob Vees Cas xyoo 2016. Qhov no yog qhov tshwj xeeb tshaj nyob hauv nws txoj kev ntseeg, tab txawm yuav nyob hauv lub caij txoj cai nruj nruj kuj xij.
Tom qab nws tsis ua Tswv Qhia nyob Vees Cas xyoo 2016, vim nws lub cev muaj mob thiab nws laus lawm. Tswv Qhia Khamse ua lub neej nyob ntsiag to thiab nquag teev Ntuj. Nws txoj kev tuag yog zoo li tag ib tiam ntawm lub Koom Txoos Kav Tos Liv nyob Los Tsuas teb. Lub cuab tam ntawm kev ua tiag nyiaj thiab nws txoj kev muab siab rau, tseem yog qhov chaw txhawb siab rau lwm tus neeg.
