Kev sau ntawv Moo Zoo.
Peb tau pom lawm tias hauv ntu ob uas tsim phau ntawv Cog Lus Tshiab, muaj kev tshaj lub Moo Zoo thiab vim kev tshaj no thiaj muaj cov neeg ntseeg tshwm sim nyob hauv txhua lub nroog thoob Los Mas. Paj Lug, Npas Nas Npes, Xis Las, Tis Mos Tes thiab tus teeb tsa lawv tau ua kom lawv txoj hauj lwm loj hlob ntxiv mus. Nws tau mus tsham cov neeg ntseeg ua ntu zus thiab sau cov tsab ntawv.
Nyob hauv ntu ob ntawm kev sau phau ntawv Cog Lus Tshiab no, peb pom Paj Lug cov tsab ntawv raws li Lus Kas qhia peb nyob hauv qhov pib ntawm lub Moo Zoo. Tseem muaj kev sau cov tsab ntawv uas sau los ntawm tus tau hnov lub Moo Zoo thiab xav txuag khaws cia nyob hauv kev ncaj ncees. Ntau zaus lawv ua pov thawj txog cov xwm no. Yog tus tau pom thiab tau nrog Yes Xus nyob thaum Yes Xus ua lub neej nyob nrog tsoom pej xeem. Txawm li cas kuj xij, peb yuav nco cia tias muaj cov lus sib txawv ntau hais txog Paj Lug cov tsab ntawv thiab hauv kev sau cov tsab ntawv no. Nws muaj qhov ntxim siab thiab muaj nqis ib yam. Tab sis nws muaj nqis txawv cov lus uas cov Thwj Tim sau. Paj Lug cov tsab ntawv raug sau los ua ke thiab cov neeg ntseeg xav tias yog kev qhia txog tus xib hwb cov lus tiag. Muaj txiaj ntsim qab hau hauv kev ua pov thawj uas pom nyob hauv Pob Zeb thawj tsab ntawv. Tus sau tsis yog Pob Zeb uas tuag nyob hauv 20 los 30 xyoo ua ntej. Tab sis yog Pob Zeb tus tim xyoob sau nyob hauv thawj tiam neeg yuav luag tas raws li nws tus xib hwb lub npe. Nyob hauv tsab ntawv no, nws txhib cov neeg ntseeg kom ua siab ntev tos txog hnub cov yaj saub tej lus tseeb. “Lub Ceeb Tsheej tshiab thiab lub ntiaj teb tshiab yuav los txog, kev ncaj ncees yuav muaj vaj tse ruaj khov.”
Lub Ceeb Tsheej tshiab thiab lub ntiaj teb tshiab no tsis yog lwm yam, tab sis yog Tswv Ntuj lub Ceeb Tsheej uas Yes Xus hais txog. Tus sau hais tias : “Tas txhua yam no yog qhov tseeb, yuav ntseeg thiab cia siab tias Tswv Ntuj yuav tuaj nyob hauv peb lub ntiaj teb thiab tsim tas txhua yam tshiab, ces ntiaj teb yuav tau txais kev txhim kho. Nov yog kev tuaj ntawm Tswv Ntuj. Yog nws kev ua hwj huam yees ntxwv. Thaum ntiaj teb txais lub Moo Zoo, mas nws yuav raug txhim kho dua tshiab. Txhua yam tseem nyob ruaj nreb xws li thaum nyuam qhuav tsim tawm.
Thawj yam uas lub Moo Zoo raug sau, yog vim cov neeg txheej thaud xav kom muaj cov lus meej tseeb hais txog qhov xav paub Yes Xus Nas Xas Les. Xav paub tias Yes Xus paub txog neeg zoo li cas ? Nws tsim kev sib raug zoo ntawm tib neeg thiab Tswv Ntuj zoo li cas ? Tsis yog tias yuav muab tas tej kev nco cia hais txog Yes Xus los ua ke, tab sis yog kev sau ntawv piav txog kev ntseeg txog Yes Xus.
Thawj xyoo ntawm lub Koom Txoos, txhua tus neeg yuav hnov lub Moo Zoo los ntawm cov Hauv Paus Xa Lus los yog lwm tus Thwj Tim. Uas tus kheej ua pov thawj txog cov xwm hauv Yes Xus lub neej. Yog tias tsis muaj lawv, kuj tsis muaj neeg yuav ua pov thawj txog yam uas tshaj tawm tias lub Moo Zoo yog qhov tseeb.
Li ntawd, kom peb nco tias thawj phau ntawv Moo Zoo tshwm sim nyob hauv xyoo 68. Yog xyoo uas tus vaj Nes Los tuag thiab kev iab hiam tag. Lub caij ntawd 2 tug Hauv Paus Xa Lus Pob Zeb thiab Paj Lug kuj tuag ua ke nrog cov neeg ntseeg. Thaum cov neeg ntseeg nyob Los Mas paub tias cov pov thawj tau pom pib ploj mus.
Tus uas paub Yes Xus kuj pom tias tsim nyog yuav sau kev tshaj lub Moo Zoo, uas tom qab no leej twg los kuj muab los siv ua kev ntseeg ntawm nws. Vim qhov no Mas Kos uas yog thawj tug sau ntawv Moo Zoo thiaj pib nto npe hauv xyoo 68. Mas Kos yog tus neeg nto npe nyob hauv lub Koom Txoos nyob Los Mas.
