107 Lub ntiaj teb qub tshee hnyo.
Nyob hauv lub qab xyoo cov kab ke li no, lub Koom Txoos kheev kheev caw kom peb rov xav txog zaj nyeem hais txog hnub ntiaj teb kawg. Ntawv Moo Zoo los ntawm yam peb hu ua hnub kawg ntawm lub ntiaj teb me me. Hauv ntawv Moo Zoo, lo lus tias “Hnub ntiaj teb kawg” hauv xeem lus Hes Laas, tsis tau txhais tias hnub ntiaj teb kawg. Tab sis yog hais txog kev nthuav tawm, zoo li nthuav daim ntaub npog tawm. Thiab ntawd yog qhov laij thawj thaum txhais tias “hnub ntiaj teb kawg” ua xeem lus Latin. Peb thiaj tau lo lus tias “Revelio” uas txhais tias “nthuav tawm”. Yog muab daim ntawv Vellum tshem tawm los yog tshem daim ntaub npog tawm.
Cov zaj nyeem no puav leej hais txog yam qub qub uas tshee los yog co thiab raug tso tseg rau ntawm ib sab, ces yam tshiab raug nrhuav tawm los. Ntawd yog qhov lub ntiaj teb kawg. Hnub kawg ntawm lub ntiaj teb me me hauv Lus Kas ntawv Moo Zoo no nws ntxim siab heev. Vim nws ua kom peb pom txog kev tshee los yog co 3 zaug thiab kev nthuav tawm 3 zaug. Nws yog kev nthuav tawm hais txog lub ntiaj teb tshiab. Tab sis qhov ntawd yuav tshwm sim ua ntej yuav tshee thiab tso lub ntiaj teb qub pov tseg. Qhov no yog kuv tab tom hais txog dab tsi ? Kuv tab tom hais txog Yes Xus sawv hauv cov tuag rov los. Ntawd yog xov xwm zoo thiab yog lub Moo Zoo. Nov yog qhov nyob hauv lub tswv yim, hauv lub siab thiab ntawm lawv daim di ncauj. Cov xwm hais txog Yes Xus sawv hauv cov tuag rov los, uas lawv txhais tias yog lub ntiaj teb qub thiab tas txhua yam tab tom tshee hnyo. Raug teeb lo lus nug tias lub ntiaj teb raug ua kom me. Lub ntiaj teb raug ua kom sib txuas thiab tam sim no lub ntiaj teb tshiab raug nthuav tawm. Sim xav txog daim ntaub thaiv nyob hauv kem ntshiab seb, ! Peb tau hnov yog thaum Yes Xus txoj sia tu. Daim ntaub hauv kem ntshiab ntuag rhe hauv nruab nrab. Yog kev mus txog qhov chaw ntshiab tshaj. Yog kawg ! Nws yeej yog txhais li ntawd. Tab sis kuv xav tias nws yog kev nthuav qee yam tshiab dua. Koj sim xav txog Yes Xus tus Ntoo Cuam me ntsis tias : tas ntiaj teb lub hwj chim, qhov tseeb thiab qhov kawg ntawm peb puav leej sau tas los nyob rau ntawd. Tej zaum koj yuav hais tias : “Yog ! Kev tuag ntawm tus txiv neej txaus khuv leej no, qhov tseeb tiag ntawm txoj sia, qhov tseeb tiag ntawm lub ntiaj teb, kev tseev tsim thiab kev ntseeg puav leej tshwm rau peb pom nyob ntawd.” Lub Moo Zoo ntawm cov neeg ntseeg hais txog txhua yam uas koj xav tias tseeb thiab tseeb tiag. Lawv tshee los ntawm Yes Xus txoj kev sawv rov los. Thiab lub ntiaj teb tshiab raug nthuav tawm los rau peb. Yog txoj kev ua lub neej raws txheej tshiab. Vim li no hauv lub siab kuv xav ua kom koj pom tias ; yam no tshwm sim tau li cas. Thaum ib tsoom neeg tab tom hais txog qhov uas lub tsev teev Ntuj raug xuas pob zeb thiab xuas nyiaj los txhim. Ces lawv zoo thiab hu lawv ua cov neeg ncig tsham hauv kev ntseeg nyob ntawm no. Thiab lawv los txog qhov no lawm. Lawv los txog lub tsev teev Ntuj. Tshwj xeeb tshaj yog hauv lub caij txhim kho raws li Hes Los tus piv txwv. Zoo li yog ib yam txuj ci tseem ceeb txheej thaud thiab cov neeg puav ntses nyob Nkas Lis Lais no, tsis tau pom dua tej yam zoo li ntawd, ces ua rau lawv poob siab kawg.
Sim xav txog tus neeg Kav Tos Liv coj nruj, uas nws sawv nyob ntawm hauv ntej lub tuam tsev teev Ntuj hwm Leej Ntshiab Pob Zeb nyob Los Mas seb ! Nws qhuas txog tej vaj tse uas txhim thiab tej duab kos. Qhov ntawd yog qhov lawv nyob.
Yes Xus hais dab tsi ? Kuj zoo li qhov qub uas nws yog qhov txaus ntshai me ntsis. Yes Xus hais tias : “Tas txhua yam uas nej pom nyob ntawm no, yuav muaj ib hnub tsis tshuav ib yam dab tsi li. Tsuas tshuav tib lub pob zeb xwb thiab lwm lub pob zeb yuav poob los.” Qhov ntawd yog qhov poob siab kawg. Tig rov mus rau tus neeg Kav Tos Liv uas nws sawv nyob ntawm hauv ntej lub tuam tsev teev Ntuj hwm Leej Ntshiab Pob Zeb dua. Piv txwv li kuv nrog cov phooj ywg nyob ntawd, thiab ntawd muaj lub tuam tsev teev Ntuj hwm Leej Ntshiab Pob Zeb zoo nkauj heev, nws zoo tiag tiag. Saib tej vaj tsev lawv txhim, ces kuv hais tias ib hnub twg tej yam ntawd yuav raug rhuav tas. Xav tias tej zaum kuv yuav ua rau koj nkag siab txog qhov no tias zoo li cas. Lub lis piam tag los kuv tau piav rau nej mloog hais txog Yes Xus ntxuav lub tuam tsev teev Ntuj thiab qhia txog lo lus txhais hais txog lub tuam tsev teev Ntuj. Lawv pom dab tsi thaum xav txog Yes Xus txoj kev sawv hauv cov tuag rov los ? Lawv paub tias txhua yam uas lawv coj rawv tias yog kev ntseeg nruj ntawd, tsis ruaj kho lawm. Sim xav txog yam uas cov Yus Das nyob hauv Yes Xus txheej neeg uas peb paub seb ! Lawv txoj kev ntseeg, lawv cov tsev teev Ntuj zoo nkauj thiab tas txhia yam nyob hauv tsev teev Ntuj. Yes Xus hais tias muaj ib hnub tas txhua yam yuav vau tas.
Yog vim li cas ne ? Vim Yes Xus txoj kev tuag thiab sawv rov los, yog kev nthuav tawm uas ceeb neeg kawg. Yog kev nthuav tawm txog kev nyiam kev hlub thiab Tswv Ntuj kev nyob uas tseeb tiag. Txoj kev ntseeg uas lawv paub ntawd tsis ruaj khov lawm, tab sis Yes Xus hais tias yuav muaj kev tshee zaum ob tshwm sim. Lawv nug tias :
“Muaj dab tsi yog lub Cim qhia txog kev nthuav tawm uas yuav tshwm sim no ?”
Yes Xus hais tias : “Thaum nej tau hnov hais txog tsov rog thiab kev tawm tsam, mas txhob poob siab. Vim txhua yam no yuav xub tshwm sim ua ntej. Haiv neeg yuav rov tawm tsam haiv neeg. Teb chaws yuav rov tawm tsam teb chaws.”
Tas txhua yam no tshee los ntawm Yes Xus kev sawv rov los. Lawv paub dab tsi los ntawm kev sawv rov los ? Xes Ntxas yog tus neeg muaj hwj chim tshaj nyob ntiaj teb. Xes Ntxas los ntawm Pis Las Tos uas yog tus nom kav lub zej zog. Nws tau muab Yes Xus ntsia saum Ntoo Cuam. Ntawd yog kev ua tawm qhia txog Los Mas lub hwj chim. Koj puas xav pom qhov tseeb ntawm Los Mas kev tseev tsim tshwm sim ? Yog qhov lawv ua li ntawd rau Yes Xus, lawv muab Yes Xus tua, tab sis Tswv Ntuj tsa Yes Xus sawv rov qab los. Ntawd yog ib lo lus tshaj tawm txog lub Moo Zoo txheej thaud. Peb hu lo lus tshaj tawm ntawd ua charismatic.
Ib lo lus tshaj tawm raws li charismatic yog koj tua Yes Xus. Tab sis Tswv Ntuj tsa Yes Xus sawv rov los. Ntawd txhais tias Xes Ntxas tsis ua vaj ntxiv mus. Txhais tias Xes Ntxas thiab nws tiam ua nom tsis yog qhov tseem ceeb lawm. Tsis hais nws yuav vam meej los puas tsuaj, leej twg yuav tuaj thiab leej twg yuav mus, txhua yam no puav leej tsis tseem ceeb. Ntawd yog qhov laij thawj uas thawj pab neeg ntseeg tawm mus tsis zoo li cov neeg muaj peev xwm. Lawv hais tias Yes Xus yog Tswv Ntuj, tsis yog Xes Ntxas. Tsis yog cov haiv neeg rov sib tawm tsam. Lawv tuaj thiab lawv mus. Qhov tseem ceeb yog Yes Xus sawv hauv cov tuag rov los. Yes Xus ua rau lawv txoj kev ntseeg uas lawv paub tshee hnyo. Yes Xus ua rau lawv txoj kev tseev tsim thiab nthuav tawm yam tshiab tshiab tshee hnyo.
Kev deeg zaum 3 yog hais txog yam peb pom tias zoo. Thov nej mloog ! Yuav muaj av qeeg loj thiab kev tshaib nqhis. Kab mob yuav sib kis ntawm ib qho mus rau lwm qhov. Yog qhov txaus ntshai thiab yog lub Cim muaj zog tuaj saum Ntuj tuaj.
Ib qho ntawm qhov tseeb tshaj uas peb paub txog tej xwm txheej yog dab tsi ? Puas yog txhua yam yuav tuag mus ? Txhua yam muaj txoj sia yuav tuag, lawv tshwm sim ua yam muaj txoj sia los ntawm av, los ntawm tej tsiaj thiab lwm yam. Txhua yam muaj txoj sia tshwm sim thiab txhua yam muaj txoj sia yuav tuag mus. Nws yog qhov xwm yeem raws li ntuj tsim. Tab sis Yes Xus sawv hauv cov tuag rov los. Qhov ntawd yog qhov koj nkag siab, koj tau hnov nyob hauv Ntawv Ntshiab hais txog Yes Xus tuag. Thov koj txhob ua xyem xyav hlo li. Cov Los Mas paub kev tua neeg zoo, lawv pom Yes Xus tuag nyob saum Ntoo Cuam. Yes Xus raug zwm nyob hauv ntxa ntau hnub, tab sis lawv pom Yes Xus rov muaj txoj sia. Peb cov uas noj nws lub Cev thiab haus nws cov Ntshav, tom qab nws sawv hauv cov tuag rov los. Tas sawv daws puav leej tuag kom tau ua pov thawj txog qhov tseeb no. Yog Yes Xus tuag nyob saum Ntoo Cuam thiab nws sawv rov los hauv Tswv Ntuj lub hwj chim, mas txhais tias yam ntuj tsim tsis yog li qhov peb xav.
Txhais tias qhov peb xav tias zoo thiab yuav tsis pauv ntxeev ntawd tsis yog qhov zoo txhij txhua. Yam ntuj tsim tab tom zam kev rau yam tshiab tshiab tshwm sim. Qee yam tshee thiab tam sim no tshwm sim rau peb lawm. Ntawd yog qhov phem ntawm Yes Xus kev sawv rov los. Yog kev ruam uas hloov Yes Xus rais ua xib hwb qhia kev ncaj ncees uas cov neeg txheej thaud nco tau zoo. Ces kuv hais tias ntawd yog kev ntxeev siab rau lub Moo Zoo tseeb tiag. Ntawd yog tas txhia yam Yes Xus yog, puas muaj leej twg quav ntsej txog ? Tab sis ntawv Moo Zoo yog yam tshiab thiab tshiab heev. Muaj cov zaj txawv thiab tsis xav tias yuav tshwm sim, uas ua rau tas ntiaj teb sib tawg. Raug ua kom rov sib ua phooj ywg thiab muaj yam tshiab tshwm sim. Peb yuav ua li cas ? Peb nkag siab txog kev ua peb lub neej, tsis yog ua raws txoj kev ntseeg qub. Tsis yog ua raws qhov tseeb hauv kev tseev tsim qub, los yog ua raws li tej yam peb xav tias yog ntuj tsim. Tab sis peb nkag siab txog kev ua peb lub neej, kom haum nrog Yes Xus tus sawv hauv cov tuag rov los.
Kwv tij Hmoob sawv daws ! Hnub no peb ntsib nej li no xwb.
Thov Huab Tais Yes Xus Pleev lub txiaj ntsim nrog nej nyob, ua nej siab kaj lug.
Lwm zaus peb mam sib ntsib dua, nej sawv daws nyob zoo !
