Cov neeg Fis Lis Pees Junrey thiab Janine nkawd yog ib feem nyob hauv cov tim khawv tshaj Ntuj Lus xyoo 2023

Cov neeg Fis Lis Pees Junrey thiab Janine nkawd yog ib feem nyob hauv cov tim khawv tshaj Ntuj Lus xyoo 2023.

Kev tshaj xov xwm nruab xyoo ntawm tsab ntawv xov xwm Fides uas yog Pontifical Mission Societies hais txog 2 tug neeg ntseeg raug tua tuag nyob hauv lub tsev kawm ntawv txheej siab Marawi. Cov tub tshaj Ntuj Lus tag nrho 20 leej raug tua tuag nyob thoob ntiaj teb nyob hauv tsaib no. 
Junrey Barbante hnub nyoog 24 xyoos, nws nyuam qhuav kawm ntawv tiav. Nws yog neeg tuaj ntawm lub pov txwv Bohol tuaj. Janine Arenas hnub nyoog 18 xyoo, nws yog ib tug tub kawm tuaj ntawm Balabagan hauv lub xeev Lanao del Norte tuaj. 2 tug tub kawm neeg ntseeg ntawd nkawd muaj feem cuam koom cov kab ke animation nyob hauv lub tsev kawm ntawv txheej siab Marawi. Vim li no nkawd thiaj raug tua tuag nrog 2 tug phooj ywg thaum tab tom ua cov kab ke teev Ntuj thawj lub lis piam lub Caij Yes Xus Yug Lo, nyob Fis Lis Pees teb.
Nrog rau Samar Kamal Anton thiab nws niam uas yog Nahida Khalil Anton, nkawd yog ob tug poj niam neeg ntseeg uas raug tua tuag nyob ntawm lub tsev teev Ntuj Yim Neeg Ntshiab nyob GAZA hnub tim 28 lub 12 hlis tag los no. 
Nkawd yog As Xias lub ntsej muag hais txog cov tub tshaj Ntuj Lus raug tua tuag nyob thoob ntiaj teb xyoo 2023. Tsis yog tias cov neeg Kav Tos Liv thiaj raug tua xwb, tiam sis yog cov tub tshaj Ntuj Lus uas qhia kev ntseeg thiab lawv muaj feem cuam ua hauj lwm rau cov tsev teev Ntuj kuj raug tua.