Tus txhais: Txawj Tsav Lauj
Aas Nkas yug hauv lub zos Pis Kas Dias, Fab Kis teb xyoo 801. Aas Nkas tau ua Txiv Twj Cuab nyob hauv Npes Nes Dis lub koom haum. Tom qab tus vaj Hes Las hauv Das Mas tau thov Aas Nkas pab mus tshaj Ntuj Lus rau cov neeg hauv nws teb chaws. Aas Nkas thiaj txiav siab mus raws li tus vaj thov, Aas Nkas tshaj Ntuj Lus tau 3 xyoos nkaus tab sis muaj neeg tig los hloov siab tshiab tsawg. Tsis tas li, Aas Nkas tseem raug cov neeg siab phem ntes kaw thiab; Aas Nkas thiaj tsiv los rau Zes Mas Nias plawv teb. Aas Nkas tau ua Tswv Qhia nyob hauv lub nroog Has Npawm (Hamburg) saib xyuas cov ntseeg hauv Zes Mas Nias plawv teb.
Tom qab ntawd, Vaj Qhia Nqes Nkos Lis Plaub thiaj xa Aas Nkas mus tshaj Ntuj Lus rau Aws Los Pas qaum teb. Nyob ntawd, tus vaj Aus Las kav teb chaws Xws Ves Lis tau coj nws tsoom pej xeem tig los yuav siab tshiab ntseeg txog Yes Xus. Aas Nkas thiaj tau lub npe tias ‘Tus Hauv Paus Xa Lus nyob Pej Fab’.
