Yos Xas Fas yug xyoo 1580 nyob hauv ib tsev neeg Os Thos Dos nyob Us Khas Zis Nas teb (Ukraine). Txij nws yav hluas los, nws poog lub Koom Txoos sab hnub tuaj uas npuab lub Koom Txoos Los Mas.
Xyoo 1604 Yos Xas Fas muaj 24 xyoos, nws ua Txiv Twj Cuab raws Npas Xis txoj cai, nyob hauv lub nroog Vis Lis Nas. Nws txais lub Cim Tiag Tes ua Leej Choj. Yos Xas Fas siab loj, nws yog ib tug kws txuj hais txog Tswv Ntuj. Nws kub siab yoog kev ntshiab huv.
Xyoo 1617 Yos Xas Fas ua Tswv Qhia nyob hauv lub Ceeb Koom Txoos Pos Los Ntxaws. Yos Xas Fas nquag mus tsham nws cov Leej Choj ib tug zuj zus. Niaj xyoo nws hu lawv tuaj sib sau ua ke. Nws qhia lawv kom lawv rau siab ua tej Txoos Txi Ntuj muaj hwj chim.
Cov ntseeg nyob hauv lub Koom Txoos Os Thos Dos pom lawv cov neeg ntseeg mus poog lub Koom Txoos npuab Los Mas, lawv pib ntxub Tswv Qhia Yos Xas Fas. Xyoo 1623 cov neeg siab phem muab Tswv Qhia Yos Xas Fas tua nyob hauv lub nroog Vis Tes, thaum nws tab tom mus xyuas cov neeg ntseeg.
