Hnub tim 20 lub 10 hli 1958, cov Tswv Qhia Liab sib sau sab laj ua ke thiab lawv tau xaiv Angelo Roncally ua Vaj Qhia uas sawv daws hwm. Vim nws yog tus muaj hnub nyoog thiab nto npe hais txog Vaj Qhia tus nyob mus li.
Tsis tshua muaj neeg xav txog tias tus Tswv Qhia hnub nyoog 76 xyoo no yuav hloov txhua yam thiab coj lub Koom Txoos mus rau txheej tshiab. Nws tau siv lub npe Zam 23 kom tau ntsej muag rau cov poj yawm txwv koob thiab cov thwj tim.
Angelo Roncally yog tus me nyuam tim 3 nyob hauv lawv 13 leeg me nyuam, nws yug los hnub tim 25 lub 11 hlis 1882 nyob Sotto il Monte (Bergamo) hauv ib yim neeg liaj neeg teb. Nws tau kawm ntawv nyob hauv lub nroog cov tsev kawm txheej qis, thiab raug xyaum los ntawm tus Txiv Plig nyob Carvico. Thaum nws muaj 12 xyoos, nws pib mus kawm nyob hauv cov tsev ua tub tshaj Ntuj Lus nyob Bergamo. Nws tau txais peev nyiaj kawm ntawv los ntawm lub Koom Haum Cerasoli xyoo 1901, ces ua rau nws tau mus txog Apollinaris nyob Los Mas. Nws mus kawm ntawm Umberto Benigni uas yog ib tug kws liv xwm ntawm lub Koom Txoos. Nws tau ncua kev kawm ib ntug vim nws yuav tsum raug mus ua tub rog nyob hauv cov tub rog Is Tas Lias thiab rov los kawm tiav ua tub tshaj Ntuj Lus, nws txais daim ntawv pov thawj qib siab thiab tau txais lub Cim Tiag Tes xyoo 1904.
Thaum nws kawm txoj cai nws raug xaiv ua tus lwm tswj ntawm tus Tswv Qhia tshiab nyob Bergamo, Angelo Roncally ua hauj lwm rau tus Tswv Qhia 9 xyoos thiab nws tau txais kev paub txog teeb meem ntawm cov tub zog dav hauj sim. Nws tau qhia kev thov txhaum ntawm lub Koom Txoos liv xwm thiab fab ntsuj plig.
Thaum Is Tas Lias teb pib poob nyob hauv tsov rog ntiaj teb zaum ib xyoo 1915, nws raug hu mus ua tub rog. Xyoo 1918 nws tawm tub rog los, nws raug xaiv ua tus thawj tswj ntawm fab ntsuj plig cov tub tshaj Ntuj Lus. Lub caij ntawd nws pib xav txog ntau yam hauj lwm nyob Bergamo. Saint Charles Borromeo yog phau ntawv kawg uas tua luam tawm tom qab nws tau ua Vaj Qhia.
Xyoo 1921 nws raug hu mus nyob Los Mas kom tau teeb tsa lub Koom Haum tshaj Ntuj Lus tshiab, cov uas raug xa npe mus txeeb ua tus thawj Txiv Plig nyob Areopolis thiab cov tiam lis tuaj tsham mus rau Bulgaria. Xyoo 1925 nws ntxhov siab txog cov teeb meem ntawm lub Koom Txoos sab hnub tuaj, nws thiaj tsiv mus nyob Tws Kis thiab Hes Laas teb xyoo 1934, yog tus sawv cev ntawm cov thwj tim. Nws tau tsim ib lub chaw ua hauj lwm nyob Is Taas Npus kom tau ua qhov chaw tiag taw cov tub rog. Xyoo 1944 nws raug xaiv ua tiam lis nyob Pas Lis kom tau pab daws cov teeb meem tsov rog ntawm lub Koom Txoos nyob Fab Kis teb.
Thiab nws tau ua thawj tug tshuaj xwm ntawm UNESCO, thiab tau ua tus cev lus hauv lub rooj sab laj loj zaum 6 thiab 7 xyoo 1945,1946 thiab 1947. Nws tau ua Tswv Qhia Liab ntawm Ves Nis. Nws tau siv ntau xyoo uas yog cov xyoo kawg ua cov hauj lwm tshaj Ntuj Lus, thiab daws kho ntau yam ntawm thawj lub Cheeb Koom Txoos uas nws kav. Xyoo 1958 nws raug hu mus nyob Los Mas kom tau koom kev sab laj xaiv nws ua Vaj Qhia.
Thawj zaug uas nws hais lus ntawm tshav puam rau sawv daws, Vaj Qhia Zam 23 ntxhov siab txog kev sib sau ntawm cov neeg ntseeg uas sib tawg thiab lub ntiaj teb kev thaj yeeb. Nyob hauv cov kab ke tsa nws ua Vaj Qhia, mas nws hais meej tseeb tias nws yeej npaj siab ua Vaj Qhia ntag, vim nws xav nthuav txoj kev tshaj Ntuj Lus kom dav thiab nws xav thim cov lus yuam nyob hauv Sixtus IV, vim txoj cai tsuas kheev College of Cardinals tshuav 70 feem pua nyob hauv 4 xyoos tom ntej. Nws tso lus kheev 87 feem pua thiab muaj cov sawv cev ntawm cov teb chaws loj xwb.
Nws tsab ntawv Mater et Magistra tawm xyoo 1961 yog nco txog hnub txwm xyoo ntawm Rerum novarum Leo XIII.
Hais txog Asia, Africa thiab Oceania mas lub Koom Haum International Balzan Foundation tau muab lub paj tshab kev thaj yeeb rau Angelo Roncally xyoo 1962. Suav txij hnub nws tuag hnub tim 3 lub 6 hli 1963, mas muaj kev sau ntawv thiab hais ntau yam txog nws txoj kev sov siab thiab kev ntshiab huv uas yog tus sawv daws nyiam. Muaj qee lo lus qhia tau zoo tshaj plaws, vim nyob hauv cov ntawv luam tawm yog ib daim duab sau kev ntxhov siab npog lub ntiaj teb nrog ib kab lus luv luv tias : “Kev tuag hauv yim neeg”.
