Txhiam xws noj yav tom ntej. (Food for the future)
Txhiam xws noj yog lub hauv paus ntawm peb tej kab lis kev cai. Yog ib txog kev hauv kev sib faib txhiam xws noj, uas muaj tus cag lawm yog txoj sia. Txhiam xws noj yog txhua yam txij li av, dej mus txog tib neeg lub neej. Txhiam xws noj yog qhov muaj nqis thiab qhov tsis muaj zog, tab sis yog koj tsis tsim txhiam xws noj rau lub neej yav tom ntej nrog txhua yam nyob ib puag ncig, txhiam xws noj kuj tsis muaj qab hau dab tsi rau lub neej txoj sia raws li qhov peb xav.
Zim txwv no peb muaj ib qho uas sis tshua zoo pes tsawg, vim koj muaj cov peev txheej loj heev uas nkag mus rau hauv peb cov zaub mov tag nrho thiab cov muaj tawm los yog tsawg heev. Yog tias peb tsis ua kom txhua yam no ploj mus, peb yuav tsis tuaj yeem yug peb cov pej xeem tau nyob rau lub zim txwv no. Lub ntiaj teb tsis tuaj yeem txais tau kev ua liaj ua teb ntau ntau ntxiv, ces peb lub neej yuav hloov mus. Tej tuam tsev tsim toob xib yuav hloov mus thiab qee yam ntawm tej txhiam xws noj yuav ploj mus. Ces peb tsim nyog yuav ua qee yam hais txog peb lub neej yav tom ntej, peb yuav pib muab siab rau saib xyuas lub ntiaj teb zim txwv no kom zoo.
Peb nyuam qhuav pib nkag rau kev txhim kho thiab nws yuav hloov kev ua liaj ua teb mus tas li. Abdullah Fatihi cog qos liab nyob Morocco los tau 20 xyoo lawm, nws hais tias : “Tsaib no qos tsis ntug li, ntuj qhuav thiab tsis muaj lwm txoj kev yug tsiaj, vim tsis muaj dej. Thaum nws xav tau dej los ywg nws cov liaj, kuj siv cov dej hauv tej qhov tej tsis txaus, ces yuav tsum tau tos ntev heev ntuj mam los nag thiab muaj dej.” Kev pauv ntxeev ntawm huab cua, ua kev kub ntxhov rau ntau thaj tsam thiab txoj kab ntuj nruab nrab loj kawg. Ces yuav ua rau peb kev cog txhiam xws noj tsis muaj qoob loo sau. Yuav tsum siv sij hawm li ntawm 500 xyoo los kho cov av ntawm npoo av li ib nti, nws yog qhov tau ploj mus lawm uas txaus txhawj kawg.
Qhov tseem ceeb ntawm peb kev muab siab rau yog ua kom rov muaj Carbon, vim cov Carbon hauv av tab tom ploj mus thiab nws yog qhov teeb meem tseem ceeb. Ces peb yuav rov ua kom av muaj organic. Nyob Morocco muaj ib lub Koom Haum uas tau muab siab rau daws teeb meem. Thaum kuv tseem yau, kuv nyiam tus ntxhiab av tom qab ntuj los nag thawj zaug tas. Ntawm kuv, mas av yog thawj yam ntawm txoj sia. Tus tswv tsev ntawm lub Koom Haum hais tias : “Peb tab tom muab siab rau ua kom cov khib nyiab muaj nqis tuaj, vim nws yuav hloov kom av tshiab tuaj. Kev ua chiv quav nroj thiab quav tsiaj tsis yog qhov zoo tas tas. Peb yuav xyaw nroj thiab quav tsiaj ua ke, kom nws loj hlob. Thaum tej qoob loo txi txiv lawm, peb thiaj yuav tau ntim nyob hauv thawv ntawv. Nov yog thawj kauj ruam nyob Morocco ntawm kev ua kom av rov zoo tuaj, vim cov av nyob Morocco tsuag heev lawm.
Nyob Us Khas Zis Nas teb txawv Morocco ntau heev, vim av zoo. Tab sis lawv yuav tsum siv fab Digital los pab kev ua liaj ua teb kom lawv tej kev ua noj ua haus nyob tau ntev. Zim txwv no kev ua liaj ua teb zoo heev los ntawm kev siv Technology pab, ces tej qoob loo txi txiv tau raws siab xav. Ua kom dej a, huab cua thiab qoob loo hauv liaj teb xwm yeem. Tej liaj tej teb ntsuab xiab nyob hauv tej liaj teb. Hnub qub cuav kuj pab lawv tau ntau yam. Hnub qub cuav tuaj yeem ntsuas tau qhov loj hlob ntawm tej qoob loo, ntsuas tau tej huab cua ntawm cov qoob loo xws li Nitrogen Phosphorus. Txhua yam lub hnub qub cuav ua tus tsom kwm thiab soj ntsuam, kom paub tias neeg cov hauj lwm ntawm txhua hnub yog zoo li cas.
Tam sim no peb nyob hauv tus txheej txheem tshiab, cov Koom Haum ua liaj ua teb tab tom pauv ntawm cov liaj teb Digital mus ua cov liaj teb uas txhua yam yooj yim thiab muaj kev soj ntsuam dav. Ua rau tej liaj teb tej qoob loo cog tsawg tab sis sau tau ntau. Yog tias av tau txais kev tu kom zoo txaus, mas av kuj khaws tau cov Carbon cia. Ces yog peb muaj kev ua liaj ua teb uas txuag av kom zoo, nws yuav daws tau txhua yam teeb meem. Xws li kev pauv ntxeev ntawm huab cua, uas tuaj yeem cog tau qoob loo thiab cov txhiam xws yav tom ntej kuj tsis piam sij.
Nyuj muaj teeb meem 2 yam : thawj yam yog tsis muaj txiaj ntsim hauv kev tsim txhiam xws noj, ces koj yuav tsum pub zaub rau nyuj noj tshaj qhov neeg noj li 8 npaug. Yam ob, nyuj yog tsiaj zom zaub. Nws yuav ua rau muaj pa iav txaus ntshai heev. Peb txhua tus muaj cov hlwb nyob hauv peb cov leeg, tej nyuj twm kuj muaj ib yam. Tej hlwb nyob hauv leeg xav tau kev loj hlob thiab yog koj muab rho tawm los tso hauv dej nws yuav txia ua hlwb mos ntau plhom. Yog thaum cov hlwb mos ntawd muaj ntau ntau sib sau ua ke lawm, koj tuaj yeem muab los ua hamburger tau. Vim nov yog Technology txheej tshiab thiab yuav siv nqaij tsawg dua qub.
Yog hmoov nplej zoo, txhua yam kuj yooj yim. Tab sis hmoov nplej tsis zoo, mas yuav siv zog zuaj thiaj ua tau cov ncuav zoo. Cov neeg ua liaj ua teb cov poj niam ua hauj lwm hnyav dua cov neeg nyob hauv nroog cov poj niam. Koj xav kom koj cov me tub me nyuam nrhiav hauj lwm zoo ua, tab sis yog lawv ua tsis tau, mas lawv kawg rov qab mus ua liaj ua teb xwb.
Muaj ntau yam tsis sib luag, yog tsis sib luag nyob hauv lub hwj chim, tsis sib luag nyob hauv kev faib ub faib no. Qhov no ua rau cov neeg ua liaj ua teb feem coob uas lawv yog neeg txom nyem, lawv qaug zog nyob hauv txoj kev ua liaj ua teb tsim kom muaj txhiam xws noj. Lawv xav nqis peev nyiaj txiag rau lawv tej liaj teb, tsis kav lawv tsis muaj peev xwm, ces qhov no thiaj yog teeb meem rau peb txhua leej txhua tus.
Cov neeg liaj neeg teb yuav tsum nkag mus kom txog tej yam tshiab tshiab, kev paub thiab lub tswv yim tshiab kom tau hloov kev ua liaj ua teb. Ntawd yog lub tswv yim txhawb nqa nyob hauv lawv txoj kev cog txhiam laj txhiam xws tshiab. Muaj ntau lub Koom Haum kub siab coj cov neeg liaj neeg teb mus rau tiam 21, kom lawv xyaum ua liaj teb Digital, kom lawv txawj cog qoob loo ntev ntev rau yav tom ntej. Qhov kev pauv ntxeev uas peb yuav tau pom, yog cov hluas txheej tshiab nyem no lawv siv Technology ua tej yam peb tsis tau pom dua nyob hauv 20 thiab 30 xyoo dhau los.
Lub tswv yim no yog kev cog qoob loo los ntawm Technology txheej tshiab, yog lub tswv yim cog qoob loo uas txawv dua tej. Kev siv av yog lub tswv yim yooj yim tshaj hais txog cog qoob loo saum ru tsev. Yog kev qhib rau cov hluas txheej tshiab tawm lub tswv yim tshiab. Lawv nthuav dav thiab tsis nkim sij hawm rau fab kev ua liaj ua teb raws xeev ntuj Xos Viaj thiab yav tom ntej. Kuv xav rov los siv av, ua hauj lwm nyob saum npoo av dua ib zaug. Yuav tsum txhos caug thiab siv nrob qaum ua hauj lwm nyob nrog av ntau dua qub thiab ua liaj ua teb. Tej zaum ib hnub twg ib tsoom neeg yuav nkag siab txog tias peb yuav ua dab tsi txog yav tom ntej, peb yuav pib txuag lub ntiaj teb no zoo li cas ? Koj yuav pom tias cov tub nqes peev ua lag luam thiab cov neeg yuav txhiam xws lawv muaj feem cuam xav paub txog qhov tob tob ntawm cov txhiam xws noj, qhov sib xyaws mus txog qhov sib txuas ntawm txhiam xws thiab kev noj. Tab sis qhov tseem ceeb yog peb tab tom pom txog kev nqua hu kom cov tseem hwv ua dab tsi ntau tshaj no.
Peb nyob hauv lub caij zoo uas yuav ua tau txhua yam, ua kom yog, muaj lub caij nqes peev. Kev txiav txim siab ntawm peb tuaj yeem hloov lub ntiaj teb tau, ces peb txhob ntshai dab tsi thiab peb coj mus xyaum ua raws. Yog cov tuam txhab ceev nyiaj thiab lwm cov Koom Haum txawj saib xyuas txog lawv kev nqes peev, mas peb tuaj yeem yug tau 10,000 plhom tus neeg nyob hauv ntiaj teb no.
