Vaj Qhia Leo 14 txhib cov neeg ntseeg kom txhob ua neeg ntseeg tsis ruaj khov, vim peb txhua tus raug hu kom los ua txoj hauj lwm no
Hauv kev nthuav ntawv Moo Zoo, Vaj Qhia Leo 14 hais tias : Tswv Ntuj muab txoj kev xav tsis muaj ciam tso rau hauv ib tsoom neeg lub siab, tab sis tsawg leej xwb thiaj li paub txog. Qhov no yog qhov lub Koom Txoos thiab lub ntiaj teb xav tau.
“Yog cov thwj tim zoo nyiam.” Vaj Qhia hais ntxiv tias :
“Kev thaj yeeb, yog qhov txhua haiv neeg xav tau.”
Cov thawj coj tsim nyog yuav los sib tham hais txog tso tseg kev siv riam phom.
Nyob hauv Lus Kas ntawv Moo Zoo zaj 10, qib 1-12+17-20. Vaj Qhia hais tias :
“Peb txhua tus raug hu kom ua cov hauj lwm tseem ceeb, nyias ua nyias cov hauj lwm thiab nyob hauv tus yam ntxwv uas Tswv Ntuj tso siab.”
Vaj Qhia hais txog Yes Xus xa 72 tug Thwj Tim mus ua ntej nyob hauv tej nroog. Nws piav tias tus zauv zoo hauv lub Moo Zoo, yog muaj rau txhua tus neeg. Tiag tiag mas Tswv Ntuj ua nws cov hauj lwm nyob hauv lub ntiaj teb no mus li, kom nws cov me nyuam txhua leej txhua tus tau txais nws txoj kev nyiam kev hlub thiab kev cawm.
Yes Xus lees txais tias : “Qoob zoo sau muaj ntau, tab sis tub zog muaj tsawg.”
Tswv Ntuj tau tseb kev xav nyob hauv qhov tsis muaj tag, kom lub neej zoo txhij zoo txhua. Thiab ua kom kev cawm pab peb twj lij nyob hauv ib tsoom neeg nruab siab.
