Bangkok: tom qab Anutin’s yeej, cov tub zog Mias Mas tsis raug hais txog.
Tseem ceeb rau kev lag luam, tab sis raug hnov qab hauv kev sib cav ntawm tej tshav puam. Cov tub zog uas khiav ntawm Mias Mas, tsis nyob hauv kev nrhiav suab zaum kawg ntawm tus thawj pwm tsav Thaib txoj kev yeej, uas yog Anutin’s thiab pab nom Bhumjaithai. Coob leej xav tias lawv cov teeb meem yuav raug lees txais raws txoj cai, tom qab daim ntawv kheev ua hauj lwm tau txais lus kheev tsaib no. Hais txog cov neeg thoj nam nyob hauv cov yeej thoj nam, kom tau ua hauj lwm hloov cov neeg Khas Phus Chas. Txawm li cas kuj xij, cov teeb meem tub zog hla teb chaws no, tshwj xeeb tshaj yog cov neeg Mias Mas. Lawv yog tus txha nqaj qaum tseem ceeb, xws li kev txhim vaj tse, kev ua liaj ua teb thiab kev ntes ntses tsis raug hais txog li.
Raws tseem hwv tej ntaub ntawv, mas cov neeg Mias Mas coob tshaj 2 plhom 300 txhiab leej tau sau npe ua hauj lwm raug cai nyob Thaib teb. Muab xam los yog 75 feem pua ntawm tas cov tub zog txawv teb chaws.
Cov teb chaws nyob As Xias toob fab naj, xws li Khas Phus Chas, Los Tsuas, Mias Mas thiab Nyab Laj. Lwm yam kev kwv yees ua kom pom tias tus zauv tseeb tiag yog coob tshaj 5 plhom leej, thaum muab cov tub zog tsis raug cai los xam nrog thiab.
