Cov Kav Tos Liv nyob As Mes Lis Kas teb feem coob hais tias hauv kev soj ntsuam pom tias Trump xyav moo txog Vaj Qhia heev kawg
Cov teb lus soj ntsuam pom tias 78 feem pua ntawm cov neeg Kav Tos Liv nyob As Mes Lis Kas, lawv xav zoo txog Vaj Qhia Les Os 14 uas yog thawj tus Vaj Qhia nyob As Mes Lis Kas teb. Kev txhawb nqa ruaj khov kawg nyob hauv cov neeg mus koom lub thaj txi Ntuj txhua lis piam. 85 feem pua hais txog Vaj Qhia qhov zoo ntau dua ib nrab ntawm cov teb cov lus soj ntsuam uas yog neeg Kav Tos Liv. 51 feem pua hais tias Trump xyav Vaj Qhia lub moo ntau dhau. Yog muab piv rau 4 feem pua, uas pom tias Trump tsis tau xyav Vaj Qhia moo pes tsawg. Hos 14 feem pua hais tias Trump muaj qhov zoo uas tsim nyog tawm tswv yim txawv me ntsis hais txog Vaj Qhia. 9 feem pua hais tias Trump xyav Vaj Qhia moo ntau dhau. Thiab 16 feem pua hais tias Trump xyav Vaj Qhia moo tsawg kawg.
Kev muaj feem cuam hauv kev tseev tsim kuj muaj hwj chim txog kev tawm tswv yim ib yam. Cov Kav Tos Liv nyob hauv pab nom Democrats 84 feem pua, muaj kev xav zoo txog Vaj Qhia, hos 70 feem pua hais tias Trump xyav Vaj Qhia moo ntau dhau. Cov Kav Tos Liv hauv pab nom Republicans 72 feem pua hais txog Vaj Qhia qhov zoo, hos 39 feem pua hais tias Vaj Qhia kuj xyav moo txog Trump ntau dhau. Kev soj ntsuam txij hnub tim 26 lub 5 hlis txog hnub tim 1 lub 6 hli, ua kom pom txog kev txhawb nqa dav kawg nyob hauv cov Kav Tos Liv As Mes Lis Kas uas lawv muaj rau Vaj Qhia Les Os 14. Tab txawm muaj kev tsis sib haum xeeb nyob hauv kev tseev tsim, hais txog kev sib raug zoo ntawm Vaj Qhia thiab Trump pab nom kuj xij.
