Cov neeg laus thiab cov pluag txom nyem coob tuaj nyob Zis Pees teb.
10 xyoo dhau los, Jun xav tsis txog tias muaj ib hnub nws yuav vam txog tseem hwv pab nws ua lub neej. Nws txoj kev xav li ntawd piam sij nyob hauv xyoo 2009. Yog thaum nws thiab nws poj niam nkawd muaj mob thiab poob hauj lwm.
Jun hais tias : “Thaum ntawd kuv ua hauj lwm tsis taus, thiab txhua yam hloov mus.”
Lub pwm tsav kev noj qab haus huv, lub pwm tsav tub zog thiab lub pwm tsav kev pab cuam tau tshaj txog tej ntaub ntawv hauv lub 3 hlis tag los. Pom tias cov neeg thov txais kev pab coob li ntawm 256,438 leej hauv xyoo 2025. Yog qhov coob tshaj plaws txij thaum pib ua xam phaj hauv xyoo 2013 los. Lub 12 hlis xyoo 2025, muaj 1 plhom 6 pua tawm txhiab yim neeg nyob thoob lub teb chaws tau txais kev pab cuam. Raws tseem hwv Zis Pees tej ntaub ntawv, mas cov neeg tau txais kev pab cuam ib nrab ntau yog cov neeg laus. Thiab tshaj 90 feem pua yog cov yim neeg uas ib yig muaj ib tug neeg xwb. Yog hais txog kev txom nyem ntawm cov neeg laus hauv tsoom pej xeem Zis Pees uas tab tom muaj cov neeg laus coob tuaj sai.
