Cov Tswv Qhia Nyab Laj rov qab sib txuas nrog cov neeg ntseeg uas lawv khiav ua thoj nam mus rau Khas Phus Chas teb, tom qab 15 xyoos

Ob tug Tswv Qhia uas sawv cev cov Tswv Qhia Nyab Laj, tau mus saib cov neeg Nyab Laj uas lawv yog neeg thoj nam nyob Khas Phus Chas teb. Yog thawj zaug sib ntsib nyob hauv 15 xyoos. Hnub tim 6 lub 9 hlis no, ob tug Tswv Qhia tau mus ntsib cov neeg ntseeg nyob hauv lub tsev teev Ntuj hwm Leej Ntshiab Francis Xavier nyob Chompa. Lub tsev teev Ntuj no txhim tsa xyoo 1985. Yog sau tas cov yim neeg Nyab Laj uas lawv khiav ua thoj nam xyoo 1970, kom rov los nyob Khas Phus Chas teb xyoo 1982. Thiab ua zej zog ruaj khov nyob ntawm ntug niam dej Naj Khoom.

Zim txwv no lub tsev teev Ntuj no muaj cov neeg ntseeg 2,000 tawm leej. Lawv nyob hauv ob tug Txiv Plig hauv lub Cheeb Koom kev saib xyuas. Kev mus tsham ntawm ob tug Tswv Qhia Nyab Laj, tau txais kev tos txais sov siab los ntawm cov neeg ntseeg uas sib ntsib thawj zaug nyob hauv cov liv xwm. Yog ncaj rau hnub tsa Pierre Suon Hangly uas muaj 53 xyoos ua Tswv Qhia los nawm Vaj Qhia Leo 14. Kom ua tus pab tus Tswv Qhia nyob hauv lub Cheeb Koom Txoos Phnom Penh.