Cov tub ntxhais hluas hloov los siv AI, ua kom muaj kev txhawj xeeb hais txog ntiag tug thiab kev saib xyuas fab kev ncaj ncees ntawm lub Koom Txoos.

Txiv Plig Ritchie Vincent tuaj Is Ntias teb tuaj hais tias : “Phim lub Koom Txoos yuav teeb tej lo lus nug tias ; vim li cas cov tub ntxhais hluas thiaj txaus siab faib lawv tej kev xav rau AI ntau dua faib rau lwm tus neeg ?” Nws kuj thov kom muaj kev tiv thaiv nruj nruj txog cov ntsiab lus ntiag tug uas faib rau AI. Edwin Lopez uas tuaj Fis Lis Pees teb tuaj hais txog tej kev txhawj xeeb no tias : ‘Yog teeb meem ntawm kev sib raug zoo.” Nws hais tias Technology tsim nyog ua hauj lwm rau tib neeg kev sib raug ntau dua qhov yuav los hloov neeg chaw. Tsis yog tias Tswv Ntuj khuv leej, tab sis Tswv Ntuj muab kiag nws tus kheej tuaj nyob hauv tib neeg lub cev nqaij. Lopez hais tias : “Cov Cim Ntshiab tsis tuaj yeem txia ua digital tau thiab cov Txiv Plig kuj tsis tuaj yeem hloov ua digital tau.” Txiv Plig Ritchie Vincent hais tias : “AI xyaum ua qee yam ntawm cov Txiv Plig tau, tab sis tsis tuaj yeem xyaum kev ua lub neej ntawm Txiv Plig tau.”

Peter Monthienvichienchai uas tuaj Thaib teb tuaj, nws yog tus lwm thawj tswj ntawm SIGNIS. Tau thov kom ua tib zoo tuav xam txog kev muab AI ua twj siv thiab kev muab AI los hloov neeg lub peev xwm. Cov neeg tuaj sib tham tseem hais kom cov tub tshaj Ntuj Lus digital txhob ua kom tau nyiaj, thiab ua kom cov neeg saib yog lub hom phiaj hauv kev tshaj lub Moo Zoo. Sara Lea Tunas uas tuaj Is Ntos Nes Xias teb tuaj thov kom cia tus kheej nyob nruab nrab. Nws hais tias peb tsis yog cov neeg ua hauj lwm, tab sis peb muaj feem cuam. Lawv tau hais txog teeb meem ntawm digital, tshwj xeeb tshaj yog cov nyob toj siab thiab cov neeg laus. Karen Gajutos tuaj ntawm Fis Lis Pees teb tuaj hais tias : “Cov tub ntxhais hluas tsim nyog raug lees txais, tsis yog tias rau lub neej yav tom ntej, tab sis yog cov neeg ua hauj lwm zim txwv no.” Kev sib tham tau hais txog kev tshaj lub Moo Zoo nyob digital tias; yuav coj rawv tib neeg thiab zej zog kev sib raug zoo. Lopez hais tias : “Qhov zoo tshaj plaws uas lawv yuav sib txuas lus, yog los ntawm tib neeg lub cev.”