Cov tub ntxhais hluas neeg ntseeg sib tham hais txog fab ntsuj plig, kom tau txhawb nqa fab ntsuj plig nyob Aws Los Pas teb

Lub rooj ntawv xov xwm Vas Tis Kas tsa lub rooj sab laj kom tau hais txog “Kev sib tham ntawm cov tub ntxhais hluas nyob Aws Los Pas.” Lub tswv yim no yog txoj kev nrhiav qhov tseeb pib ntawm Los Mas thiab mus xaus rau Yes Lus Xas Les. 

Lub hom phiaj yog xav kom txhim kho tus yam ntxwv thiab kev cia siab ntawm cov ntseeg nyob Aws Los Pas teb.  

“Los Mas 2025, Santiago de Compostela 2027, Yes Lus Xas Les 2033.” Yog lub npe ntawm lub Koom Haum uas cov tub ntxhais hluas teeb tsa. Cov hauj lwm no yog hais txog kev nrhiav qhov tseeb, kev tshaj lub Moo Zoo thiab kev kho fab ntsuj plig nyob Aws Los Pas. Kom tau txhib txog kev cia siab uas ploj mus lawm, raws li Vaj Qhia Fas Ntshis Kus tau sau tseg nyob hauv nws phau ntawv Spes Non Contundit. Li ntawd, cov muaj feem cuam thiaj muab siab rau yuav qhia lub ntiaj teb tias; sawv daws tuaj yeem rov sib txuas tau nyob hauv kev ua zoo, qhov tseeb thiab Yes Xus txoj kev nyiam kev hlub dua. Tshwj xeeb tshaj yog thaum muaj kev nyuab siab thiab muaj kev sib tw.      

Cov tub ntxhais hluas nyob Aws Los Pas yuav sib koom ua ke saib xyuas fab ntsuj plig, thiab txhawb nqa kev tshaj lub Moo Zoo los ntawm cov pwm tsav tshaj lub Moo Zoo. Kom tau npaj txhij rau xyoo ntshiab huv ntawm cov tub ntxhais hluas. Lawv yuav pib sib tham nyob hauv lub tuam tsev teev Ntuj hwm Leej Ntshiab Mab Liab nyob Trastevere, rau hnub tim 1 lub 8 hli 2025 no. 

Tom qab ntawd lawv yuav mus rau Santiago de Compostel xyoo 2027, thiab mus kom txog Yes Lus Xas Les hauv xyoo 2033.