Muaj cov tub ntxhais hluas coob tshaj 600 leej, tuaj ntawm txhua lub Cheeb Koom Txoos nyob thoob Is Ntias teb tuaj sib sau sab laj ua ke, koom nrog Vaj Qhia Leo 14 nyob Tor Vergata. Ib tug tub hluas hais tias : “Kuv tuaj hauv kev ua xyem xyav, tab sis kuv rov nrog kev ris txiaj.”
Thiab lwm tus hais tias : “Kuv saib zoo li kuv yog ib feem ntawm tsev neeg Kav Tos Liv nyob thoob ntiaj teb.” Muaj dua ib tug hais tias : “Peb cov suab hu nkauj thiab kev seev cev hauv peb tej kab lis kev cai, ua kom kuv tau ntsib phooj ywg nyob ntawm no.”
Hos hais txog Txiv Plig Chetan Machado, nws hais tias cov tub ntxhais hluas no ua kom pom tias : “Lub Koom Txoos tseem muaj sia thiab muaj txoj sia nyob puv npo hauv Is Ntias teb.” Xyoo Ntshiab Huv ntawm cov tub ntxhais hluas 2025 nyob Los Mas, tsis yog kev tsuj xeeb tas ntiaj teb xwb, tab sis yog kev mus kev hauv kev ntseeg ntiag tug ntawm cov tub ntxhais hluas txhua tus kev nrhiav qhov tseeb.
Cov tub ntxhais hluas Is Ntias hais ntxiv tias : “Peb tab tom muaj feem txog kev sab laj zaum no nrog kev zoo siab.” Thiab “kev ua tus coj nrhiav qhov tseeb ntawm cov hluas no yog qhov tshwj xeeb. Kev sov siab thiab kev kub siab lug ntawm lawv ua kom pom tias lub Koom Txoos tseem muaj sia thiab txoj sia puv npo nyob Is Ntias teb.”
