Kav Tos Liv tau txais qho paj tshab tiv kev ua luam neeg tau zoo kawg nyob Thaib teb
Ib tug Leej Phauj Kav Tos Liv Thaib, uas nws yog qhov sawv daws paub hauv lub tswv yim me me, tab sis yog tiv kev ua luam neeg. Nws tau txais kev qhuas hauv lub teb chaws hais txog nws cov hauj lwm ua pab cov neeg pluag nyob hauv tej qhov chaw deb nroog, nyob Thaib qaum teb.
Leej Phauj Mab Liab Agnes Suwanna Buasap ntawm lub Koom Haum pab neeg Saint Paul de Chartre. Nws tau txais lub meej mom los ntawm lub pwm tsav txhim kho zej zog thiab tib neeg kev ruaj ntseg nyob Thaib teb. Cov kab ke yog ua nyob tuam ceeb Npaas Koj, hnub tim 5 lub 6 hli no. Uas yog hnub tiv kev ua luam neeg hauv lub teb chaws. Qhov paj tshab no yog qhuas txog nws kev muab siab rau uas muaj peev xwm, txhim kho thiab ua ntu zus hauv kev daws teeb meem kev ua luam neeg. Tshwj xeeb tshaj yog nyob hauv cov poj niam thiab cov me nyuam yuas uas nyob hauv cov thaj tsam txhawj xeeb. Cov hauj lwm no muaj cov sawv cev ntawm cov kev teev hawm thiab cov neeg ntseeg nyob thoob Thaib teb, tuaj sib sau tiv kev ua luam neeg. Nws txoj kev tiv kev ua luam neeg muaj tus cag los ntawm kev kawm, kev txhawb zog thiab kev ua tus coj hauv zej zog.
