Kev sab laj ntawm lub Koom Txoos nyob Hooj Koos, nqua hu kom cov neeg ntseeg daws teeb meem hais txog yam muaj txoj sia uas tshwm sim heev zuj zus

Cov thawj coj Kav Tos Liv thiab cov Plos Tes Taas nyob Hooj Koos ua cov kab ke sib koom teev Ntuj ua ke, kom tau hu tas cov neeg ntseeg los sib koom tes daws cov teeb meem hais txog yam muaj txoj sia uas tshwm sim heev zuj zus. Kev sib koom tes no yog xaus lub caij txhim kho thiab hnub hwm Leej Ntshiab Fas Ntshis Kus As Xis Xis. Lawv npaj cov kab ke no hais txog kev sib txuas ntawm kev ntseeg, muaj kev lees saib xyuas txhua yam nyob ib puag ncig thiab kev ncaj ncees hauv zej zog.

Lub Koom Txoos Kav Tos Liv thiab lub Koom Haum Plos Tes Taas nyob Hooj Koos, koom tes nrog pab neeg txhawb nqa txhua yam nyob ib puag ncig. Lawv tau thov kev pom zoo hais txog qhov tsim nyog nyob hauv kev pauv ntxeev yam muaj txoj sia.

Tswv Qhia Ha Chi-Shing uas yog tus pab hais txog Laudato Si ntawm Vaj Qhia Fas Ntshis Kus xyoo 2015. Nws txhib cov neeg tuaj sib koom hais txog lub ntsiab ntawm txhua yam nyob ib puag ncig kev piam sij. Vaj Qhia hais tias : “Cov teeb meem no tshwm sim los ntawm neeg lub siab twm xeeb. Kev tsis paub txog teeb meem, tsuas xav txog qhov yuav kav tas txhua yam ntuj tsim, thiab tseem hwv txoj cai uas taw ntsoov mus rau kev loj hlob hauv kev lag luam.” Nws thov kom cov neeg ntseeg lees txais lawv tus cuj pwm nyob hauv kev saib xyuas thiab txhim kho. Nws thov kom muaj txoj cai zoo thiab kev sib koom tes hauv cov kev teev hawm, kom pom txog qhov tseem ceeb hauv kev saib xyuas txhua yam nyob ib puag ncig ua thawj.

Lister Cheung uas nws yog tus qub thawj tswj ntawm Conservancy Association txhib hais txog kev lees txais ntawm cov neeg ntseeg hauv kev tso pa Cabon. Nws cuam tshuam txog teeb meem ntawm yam muaj txoj sia zim txwv no hauv fab ntsuj plig.