Lub qab xyoo 2025 no, Vaj Qhia Leo 14 yuav mus tsham Tws Kis teb thiab Lis Npaas teb

Lub rooj ntawv xov xwm Vas Tis Kas tshaj tias : hnub tim 27-30 lub 11 hlis xyoo no, Vaj Qhia Leo 14 yuav mus tsham Tws Kis teb. Nws tau teb cov tseem hwv thiab lub Koom Txoos cov neeg hauv lub teb chaws cov lus caw lawm. Kev mus tsham zaum no, yog kev tawm rooj mus fiv ntuj nyob hauv lub nroog İznik. Kom tau tsuj xeeb txwm 1700 xyoo ntawm kev sab laj cov pwm tsav Nais Xias thawj zaug. Yog qhov tseem ceeb nyob hauv lub Koom Txoos cov liv xwm. 

Hauv kev tshaj tawm no, Matteo Bruni tseem hais ntxiv tias : tom qab ntawm kev tsham Tws Kis teb lawm, Vaj Qhia yuav mus tsham Lis Npaas teb rau hnub tim 30 lub 11 hlis txog hnub tim 2 lub 12 hlis 2025 no. Yog raws li tseem hwv Lis Npaas thiab cov thawj coj hauv lub Koom Txoos cov lus caw. Qhov meej tseeb hauv kev mus tsham zaum no, Vas Tis Kas mam tshaj tawm kom ntxaws ntxiv mus.