Lub tsheb Bus ntawm kev npau suav.
Lub tsev kawm ntawv me me nyob Thaib teb, yog txoj kev mus txog kev cia siab hauv lub teb chaws.
Hnub tim 8 lub 11 hlis 2025 no, cov neeg nyob hauv lub tshav ncaws pob nyob Bangkok, lawv muaj kev zoo siab kawg. Vim muaj neeg mus saib coob li ntawm 20,000 leej. Muaj neeg zaum puv cov rooj ua theem ntaiv thiab ntau txhiab leej zaum puv ntia qhov txhia chaw, yog lawv mus saib kev sib tw ncaws pob. Lub tsev kawm ntawv Monthong Wittaya, yog ib lub tsev kawm ntawv me me nyob hauv lub xeev Chachoengsao. Nyob nrug deb ntawm Bangkok sab hnub tuaj li 70 kis los mev. Lawv ntsib pab tub ncaws pob Chainat PAO, uas yog pab khov thiab muaj peev xwm kawg. Vim lawv muaj tus txhawb nqa yog cov neeg nplua nuj thiab cov nom. Lawv muaj keeb kwm hais txog kev yeej los ntev. Ob tog tuaj sib tw ncaws pob txeeb tim ib hauv kev caws pob 7 leej nyob Thaib teb.
Tab txawm tias lub tsev kawm ntawv Monthong Wittaya swb, tsis kav lub tsev kawm ntawv no tau txais ib qho kev yeej uas loj kawg. Qhov ntawd yog sawv daws lub siab hauv lub teb chaws. Dhau los 30 tawm xyoo uas lub tshav ncaws pob no tsis tau muaj neeg mus saib coob cuag no. Qhov ua kom cov neeg nyiam kev ncaws pob nyob thoob teb tuaj saib thiab qhuas, tsis yog kev ncaws pob nkaus xwb, nws yog hais txog lub cim hauv kev muab siab rau thiab kev cia siab thiab.
Tus thawj coj hu ua Sakol saib nws cov tub ncaws pob yog qhov tseem ceeb dua.
“Xav kom muaj cov tub ncaws pob zoo, mas yuav tsum xub tsim tus neeg zoo ua ntej.”
Hais txog cov tub kawm, tshwj xeeb tshaj yog cov tsev kawm ntawv Kav Tos Liv thiab cov tsev kawm ntawv me me nyob thoob As Xias teb. Zaj hais txog lub tsev kawm ntawv Monthong Wittaya, mas yog kev ua tus coj, kev muab siab rau thiab kev ntseeg. “Lub tsheb Bus ntawm kev npau suav”, tsis yog lub Cim hauv kev mus kev xwb. Tab sis yog hais txog kev muab siab rau ntau dua txhua yam, kev muab siab rau ntau dua txoj cai thiab lub siab tseem ceeb dua txhua yam.
Hauv kev kawm Kav Tos Liv, mas cov lus no ua kom pom txog qhov tob. Lub tsev kawm ntawv uas tsis muaj Technology siab thiab tsev kawm ntawv tsis zoo, kuj vam meej tau. Yog tias lawv txawj qhia neeg lub siab ib yam li Sakul qhia nws cov tub ncaws pob. Sakul yog tshaj tus qhia cov tub ncaws pob, nws zoo li lawv txiv, nws yog tus saib xyuas lawv thiab yog lawv ib tug phooj ywg. Nws tus kheej tsav tsheb, nws xyaum cov tub kawm ntiag tug thiab saib xyuas lawv zoo li nws cov me nyuam.
Hais txog cov tsev kawm ntawv Kav Tos Liv, ‘lub tsheb Bus ntawm kev npau suav’ hauv lub tsev kawm ntawv Monthong Wittaya. Qhia kom pom txog fab ntsuj plig ntawm lub txiaj ntsim kev nyiam kev hlub, kev ua neeg me, kev muab siab rau thiab kev ua hauj lwm pub dawb. Kev kawm zoo tshaj tsis yog kev tos kom muaj tej yam zoo, tab sis yog kev pib ntawm tej yam yus muaj thiab ua nyob hauv kev nyiam kev hlub.
Qhov kawg no, kev yeej tseeb tiag ntawm Monthong Wittaya tsis yog nyob ntawm tus zauv uas suav tawm los, tab sis yog nyob ntawm lub neej uas muaj kev sib txhawb dej siab. Ua kom pom tias ; tab txawm yog lub tsev kawm ntawv me me, tsis kav kuj tuaj yeem tsav lub teb chaws mus tom ntej tau. Yog tias lawv ntseeg lub zog hauv kev npau suav, kev qhuab qhia thiab neeg lub siab.
Kwv tij Hmoob sawv daws ! Hnub no peb ntsib nej li no xwb.
Thov Huab Tais Yes Xus Pleev lub txiaj ntsim pov hwm nej, ua nej siab kaj lug.
Pab mam sib ntsib dua, nej sawv daws nyob zoo !
