Penang tsuj xeeb txwm 360 xyoo, lub tsev kawm ntawv txheej siab qub tshaj nyob As Xias teb
Lub tsev kawm ntawv Kav Tos Liv nyob As Xias, uas yog lub tsev kawm ntawv txheej siab ntawm Kav Tos Liv qub qub nyob As Xias. Lawv tau ua hmoov tsuj xeeb txwm 360 xyoo ntawm kev txhim tsa lub tsev kawm uas muaj nqis no. Kev tsuj xeeb yuav ua 3 hnub sib law nyob hauv lub ntsiab lus “xav txog kev ris txiaj ntsim, kev ncaj ncees thiab kev cia siab.” Tswv Qhia thiab cov Leej Tij tau sib koom nco txog cov hauj lwm hauv lub tsev kawm ntawv, uas txhim tsa hauv xyoo 1665. Txog tav no tseem yog lub tsev ntawm kev nco txiaj ntsim, kev ncaj ncees thiab kev cia siab ntawm lub Koom Txoos As Xias nyob Mas Les Xias teb.
Hauv cov lus qhib cov kab ke, Tswv Qhia Julian Leow uas nyob Kuala Lumpur, rov qab piav txog 360 xyoo ntawm lub tsev kawm ntawv no. Hauv kev ua pov thawj uas muaj sia txog Tswv Ntuj cov txiaj ntsim. Tau teeb tsa hauv xyoo 1665 nyob Ayutthaya hauv Thaib teb, los ntawm Tswv Qhia François Pallu thiab Pierre Lambert de la Motte. Lub tsev kawm txheej siab no tau ri mus nyob hauv txhua xeev ntuj. Txij Ayutthaya mus txog Chanthaburi nyob Thaib teb. Tom qab ntawd thiaj tshais chaw mus nyob hauv lub nroog Hon Dat, nyob Nyab Laj teb. Ho tshais chaw ntxiv mus nyob rau Pondicherry uas yog cov Fab Kis kav nyob Is Ntias qab teb. Qhov kawg thiaj tshais chaw mus nyob ruaj rau Penang xyoo 1809.
