Cov tseem hwv Suav tau nplua Tswv Qhia Shao Zhumin 200,000 yuan thiab lawv hem hais tias thov kom nws muab nws lub tsev rhuav, lawv hais tias txhaum kev cai. Vim nws tsis kam nkag koom nrog cov tseem hwv thiab nws ua thaj txi Ntuj rau cov neeg ntseeg 200 leej hauv lub Caij Yes Xus Yug Los.
Nws sau ntawv rau cov neeg ntseeg nyob hauv lub Cheeb Koom Txoos, kom tau caw sawv daws tuaj koom tsuj xeeb lub Cim Yug nrog tsoom neeg ntseeg nyob thoob ntiaj teb. Cov tseem hwv Suav tsis lees txais Tswv Qhia Shao, vim nws tsis kam zwm rau tseem hwv Suav lub Koom Txoos Kav Tos Liv uas yog txoj cai koom tshaj tswj hwm. Ntau zaus uas Tswv Qhia Shao raug xaiv tsa ua tus Tswv Qhia pab hauj lwm raws Vaj Qhia kev teeb tsa xyoo 2011. Nws yog tus txais txoj hauj lwm ua Tswv Qhia hloov Tswv Qhia Zhu Wei-Fang uas yog tus Tswv Qhia saib lub Cheeb KoomTxoos, uas nws tuag lub 9 hlis xyoo 2016 lawm. Txawm li cas kuj xij, tseem hwv Suav tsis lees txais Tswv Qhia Shao, vim nws tsis muaj hauj lwm thiab nws txhawb nqa cov Txiv Plig Mias Mas. Txiv Plig Ma Xianshi uas yog tus neeg nyiam lub teb chaws, nws yog tus coj cov neeg ntseeg Kav Tos Liv nyob Mias Mas teb.
