Suav, Nyab Laj thiab Mias Mas yog qhov teeb meem ceev uas Vaj Qhia LEO 14 yuav hais txog As Xias sab hnub tuaj
Cov neeg As Xias sab hnub tuaj muaj kev cia siab heev txog Vaj Qhia LEO 14 thiab lawv xav txog qhov Vas Tis Kas nrog Suav teb sib cog lus xyoo 2018, hais txog qhov tsa Tswv Qhia nyob Suav teb. Kev cog lus meej tseeb hais txog kev thaj yeeb nyob Mias Mas thiab kev rov sib cog phooj ywg nrog Nyab Laj teb.
Vaj Qhia Fas Ntshis Kus tau qhib kev hais txog tej kev xav tseem ceeb no, uas yog nws tau mus tsham As Xias toob fab naj xyoo 2023 thiab 2024. Thiab Vaj Qhia kuj hais txog cov hom phiaj nyob deb. Xws li lub nroog Vas Nis Mos uas nyob Pas Puas, uas Vaj Qhia tsuas yog lub suab hauv ntau ntau lub zog hauv zej zog.
Txawm li cas kuj xij, cov soj ntsuam xwv txheej hauv lub Koom Txoos thiab lwm cov neeg txawj ntse hais tias : Vaj Qhia LEO 14 yuav mus raws nws txoj kev. Nws yuav tsim kev sab laj raws qhov nws tau ua nyob Peru thiab xyaum kom nws ua li Leej Ntshiab Aus Nkus Tis Nus, vim nws yog ib tug tim xyoob ntawm lub Koom Haum Aus Nkus Tis Nus. Yam no tau teeb tseg hauv kev sib cog phooj ywg ntawm Vas Tis Kas nrog cov teb chaws koom tshaj, xws li Suav thiab Nyab Laj.
Tom qab tsuj xeeb kev sib haum xeeb 50 xyoo ntawm Nyab Laj qaum teb thiab Nyab Laj qab teb tsis ntev los no. Hanoi muaj kev cia siab tias kev mus tsham ntawm Vaj Qhia tseem yuav ua raws tus qauv qub ntxiv mus, uas yog ua kom Nyab Laj teb muaj tiam lis nyob Vas Tis Kas.
