Suav teb
Suav teb ceeb toom xaiv tsa tus qub thawj tub rog nkoj hu ua Tong Jun hnub nyoog
62 xyoos ua tus pwm tsav tub rog tshiab hloov Lim Tshaas Fuj, uas nws tsis tau tawm
rau sawv daws pom txij hnub tim 26 lub 8 hli tsaib no los lawm. Thiab yog tus raug
ntsia ntsoov tias nws yog ib tug nyob hauv kev cheb ntxuav uas tab tom muaj nyob Pej
Ceeb ua ntej nws yuav tau txais txoj hauj lwm ua tus thawj tub rog nkoj deg xyoo
2021. Tong yog tus lwm tswj tub rog nruab deg nyob hiav txwv sab hnub tuaj. Yog tus
ncej khov uas saib xyuas fab kev sib ntaus rog nyob ib puag ncig Thais Vas. Lub lis
piam tag los cov kav xwm hauv lub pwm tsav tau rho 9 tus thawj tub rog tawm ntawm
fab kev tseev tsim, yog thawj kauj ruam kawg ntawm lawv txoj kev txiav txim plaub
ntug.
