Tsev kawm ntawv Kav Tos Liv nyob Thaib teb ua kom pom txog qhov tseem ceeb ntawm kev nyiam kev hlub

Cov tub kawm hauv ib lub tsev kawm ntawv Kav Tos Liv nyob Thaib teb ua cov hauj lwm kom pom txog kev nyiam kev hlub nyob hauv Hnub Valentine’s, nws muaj lub ntsiab tob dua kev nyiam kev hlub uas sawv daws qhuas tias zoo. Nyob hauv tej daim duab, kev hais lus thiab kev sib piv zoo nkauj. Lawv hais txog kev muab tus kheej los ua hauj lwm pab luag tej, kev sib pom dej siab thiab kev siab zoo.

Nyob hauv Hnub Valentine’s uas muaj kev zoo siab, kev ntxhov siab kuj tseem muaj nyob. Thaib teb muaj cov ntxhais hluas xeeb tub coob tshaj nyob hauv cov teb chaws As Xias toob fab naj. Thiab kev soj ntsuam pom tias cov tub ntxhais hluas coob leej xav tias hnub tim 14 lub 2 hlis yog hnub uas zoo tshaj rau kev sib deev. Hais txog cov niam cov txiv, kev tsuj xeeb no yog muab ntawm txawv teb chaws los thiab ua kom muaj kev txhawj xeeb tias tsam lawv cov me nyuam nkag siab yuam kev, thiab sib hlub li cas. Hais txog cov tsev kawm ntawv Kav Tos Liv nyob Thaib teb, Hnub Valentine’s tsis yog hnub ntawm kev hlub uas dhau mus sai heev, tab sis yog hnub zoo uas qhia txog Yes Xus txoj kev nyiam kev hlub uas Yes Xus qhia kom neeg sib nyiam sib hlub.