Tsev teev Ntuj ua hauj lwm los daws cov teeb meem kev noj qab haus huv ntawm cov tub zog txawv teb chaws nyob Hooj Koos

Lub Cheeb Koom Txoos Hooj Koos tab tom ua hauj lwm txhawb nqa kev noj qab haus huv ntawm cov tub zog txawv teb chaws, uas yog tu vaj tu tsev. Tom qab kev soj ntsuam lub cev ntaj ntsug uas yog lub tsev  teev Ntuj ua tus coj, pom tias tus kab mob rog, kab mob ntshav siab thiab lwm yam kab mob muaj ntau dua cov neeg nyob txawm hauv lub nroog. Cov hauj lwm no pib tshwm sim tom qab kev soj ntsuam lub cev ntaj ntsug nyob hauv lub tsev teev Ntuj Kwai Chung, uas yog Health In Action ua tus npaj. Yog lub tsev teev Ntuj nyob txawm hauv thaj tsam thiab cov tub ua hauj lwm hauv lub Cheeb Koom Txoos sib koom tes, kom tau txhim kho tib neeg raws li Sunday Examiner.

Tus thawj tswj hais tias : kev soj ntsuam no hais txog kev dhia ua si, kev noj cov txhiam xws tsis zoo rau lub cev thiab kev chim siab npau taws. Tab tom ua teeb meem rau cov tub zog txawv teb chaws uas lawv yog neeg tu vaj tu tsev. Kev soj ntsuam me me uas muaj 30 tus neeg tuaj sib koom. Yog cov hnub nyoog 35 txog 60 xyoo. Pom tias 70 tawm feem pua, yog cov muaj tus kab mob rog. Hos 60 feem pua yog cov mob ntshav siab. 2 hom kab mob no siab dua tus zauv xwm yeem ntawm cov poj niam nyob Hooj Koos. Tsawg dua ib feem peb ntawm cov neeg tab tom noj tshuaj kho ntshav siab, thiab tshaj ib npaug muaj cholesterol qis dua.