Tsheb kauj vab rais ua txoj kev hauv lub neej ntawm cov tub tshaj Ntuj lus nyob deb hauv Is Ntias teb
Saum cov caj qaum roob nyob Is Ntias toob fab pej, 3 tug Txiv Plig Carmelite tau mus kev yam tsis nco nkees, kom tau mus saib lawv cov yaj. Thaj tsam Koilamati uas lawv tau txais kev tso siab los ntawm cov Txiv Plig Carmelite txij xyoo 2009 los, lawv kav tas 50 tawm lub zos. Nyob hauv cov zos no muaj 16 lub zos, yog neeg ntseeg Kav Tos Liv uas lawv vam txog cov Txiv Plig, tsis yog tias lub thaj txi Ntuj Hnub Chiv xwb. Yog hais txog lwm cov kab ke hauv nruab lis piam, kev mus saib cov neeg mob thiab cov neeg tuag. Thiab kev txhawb dej siab nyob hauv txhua txhia hnub.
Ntau yim neeg noj zaub noj mov tsis dhau ib hnub 2 pluag. Cov me nyuam tuag coob thiab muaj ntau yam kab mob, xws li tus kab mob ua npaws Malaria. Kev mus tsham cov zej zog, yog qhov txhawj xeeb thiab txaus ntshai kawg. Tej teb chaws yog toj roob ntxhab, tsis muaj kev tsheb mus txog thiab ntau lub zos yog nyob saum caj qaum roob. Ntau xyoo los lawm uas cov Txiv Plig lawv caij ob lub tsheb kauj vab qub qub xwb. Ob lub tsheb kauj vab piam tas, vim siv los ntau xyoo. Lawv kho tag kho dua thiab kho kawg tswv yim lawm.
ACN thiaj muab 1,266 US dos las, kom txaus yuav ob lub tsheb kauj vab tshiab tshiab rau cov Txiv Plig Carmelite tau siv ua hauj lwm nyob Koilamati.
