Tswv Qhia Liab David hais tias : Lub Koom Txoos yuav ua ‘tus tsim kev sib koom siab, tsis yog ua tus txhim pej thuam Npas Npes.’
Hauv kev rov xav txog uas tshaj tawm ua ntej lub rooj sab laj, Tswv Qhia David zoo siab txais tos Vaj Qhia tsab ntawv thiab kev tsa Tswv Qhia Oswald Gracias ua tus sawv Vaj Qhia chaw. Nws hais tias : “Kev nqua hu ntawm Vaj Qhia ua kom pom txog lub ntsiab lus ntawm FABC tseeb kawg hauv kev pauv ntxeev thiab cov hauj lwm ntawm Synod.” Tswv Qhia piav tias ; Synod cov kav xwm nyob hauv FABC tau xav txog tus neeg hauv ntawv Moo Zoo, xws li Ntxas Kais thiab Nas Tas Nais hauv lub Cim mus kev ntawm Synod. Tab txawm tias Nas Tas Nais raug xaiv ua tus neeg tseem ceeb hauv lub rooj sab laj, tsis kav Tswv Qhia David hais tias : “Ntxas Kais yog tus sawv cev ntawm kev ua neeg me thiab tsis muab hlob txoj kev hloov siab. Hos Nas Tas Nais yog lub Cim ntawm kev qhib dav rau yam loj dua hauv kev ntsib Yes Xus.”
Nws hais tias ; kev hloov siab tseeb tiag ntawm Synod yog thov kom lub Koom Txoos ua raws Yes Xus, tus uas yog tus choj ntawm Tswv Ntuj thiab tib neeg. Kom txhawb nqa kev sib tham, kev sib haum xeeb thiab kev sib koom siab nrog ib tsoom neeg, tej kab lis kev cai, cov kev teev hawm, cov neeg pluag txom nyem thiab txhua yam ntuj tsim nyob As Xias. Nws hais ntxiv tias : “Lub Koom Txoos cov hauj lwm, tsis yog kev nrhiav qhov zoo ib yam, tab sis yog tsim kev sib koom siab hauv kev sib hwm thiab kev sib tham.” Tswv Qhia Davis vam tias kev sab laj zaum no yuav txhawb dag zog rau lub Koom Txoos As Xias, kom txhab kev muab siab rau hauv kev sib koom siab, kev muaj feem cuam thiab kev ua hauj lwm los ntawm Leej Ntuj Plig Ntshiab.
